الاثنين، 20 ديسمبر، 2010

مئة تدوينة زفتية


Prologue

القارئ العزيز والذهب الإبريز,

هذه المدونة قد تبدو لأول وهلة سلبية دون رسالة, ساخرة دون هدف, حاقدة ومتحاملة على بيئتها دون رغبة في التغيير.

وصاحبها قد يخلق إنطباعا سيئا عن شخصه إذ لا ينفك ينتقد ويسخر ويشتم ويسب, ويكثر من إستعمال ألفاظ تخدش الحياء وتمنع أي أمكانية لحوار أو نقد بناء. لا تعجبه لا قيادة سياسية ولا عادات وتقاليد مجتمعية, والدين بالنسبة له مادة تصلح للسخرية والنقد كأي مادة أخرى.

من المؤكد انك لا ترغب ان يكون هكذا شخص صديقك او حتى من معارفك خارج إطار الشبكة العنكبوتية.

وبالنسبة لي لا أكترث كثيرا بسبب هذا الانطباع,

لأنني أعرف انه في النهاية من يعرفني في الحياة الحقيقية يعرف

ان هذا الانطباع صحيح تماما.

* * *

زفت: معلش اخونا ...وين دايرلي طيزك ورايح؟

زفت الحقيقي: رايح أطفي الشمعات...وين رايح يعني؟ على "تسجيل الخروج"

زفت: يعني خربتها وقعدتلي على تلها...100 تدوينة...فاهم شو يعني 100 تدوينة؟

زفت الحقيقي: شو يعني؟

زفت: ولك انت بحياتك ما عملتش 100 ولا إشي ما عدا انك توكل وتشخ وتنام...يعني شغلات مجبور تعملها...فاهم شو يعني تكتب 100 تدوينة؟ معناه بالنسبة الك هاي المدونة اشي كبير ومهم

الحقيقي: مالك شو قصتك؟ مهي تدوينة ورا التانية مبتحسش كيف وصلت...مش هالقد شغلة "واو" يعني

زفت: طب ما هو برضو الرجيم بكون يوم ورا يوم ومبتحسش فيو...وصلت مرة 100 يوم رجيم حضرتك؟

الحقيقي: شو حبيبي...لتكون من هدول الي بئامنو بالارقام السحرية وبصيروا حساسين كلما فاتو "عا جيل المراهقة" ولا طبقوا ال 18 سنة. انا أبوي سألني عل 18 "يابا كيف حاسس اليوم؟" قلتلو : "يابا صارلي من الصبح مسهول" ...حل عني انت التاني


زفت: يا زلمة ما قلناش تكتب لحالك كرت معايدة...ولا تبين رومانسي زيادة. بس فيش حاجة تنكدها... "هذا الانطباع صحيح تماما"!! لا مش صحيح تماما. انت شاب واعي ومثقف ولذيذ وألف....

الحقيقي: ايوه....الف ايش؟

زفت: ألف لا بأس عليك يا أخي...العمى

الحقيقي: اه هيك...فكرتك رح تغلط. الزم حدودك وتفتحليش مواضيع شخصية هه. لو بدي هالشغلات كان فتحت فيسبوك. كان فتحتلي صفحة وجه بس انا بهمني اكتر ماء الوجه. مركز معاي انت؟

زفت: مركز مركز.

الحقيقي: ولعلمك كنت بفضل بدل كل تدوينة أكون سهران مع صحابي أو أعمل اي اشي تاني فيو تفاعل مع بني ادمين...مهو بالاخر بدل ما اكون احاكي بحالي زي هلأ....

زفت: شكلو عن جد "هذا الاتطباع صحيح تماما"...

الحقيقي: طب كس إمك معناتو

زفت: ولروحك ايضا

الحقيقي: عقبال ال قديش أقلك قبل ما أطلع

زفت: خليها حسب التساهيل

الحقيقي: ماشي الحال...سلام

زفت: ولروحك أيضا

* * *

Epilogue

مئة فعل كتابة باسم مستعار ودون تفاصيل شخصية....

بعد مئة تدوينة ماذا بعد؟ ماذا تغير؟

اسئلة كثيرة تواجهني بعد كل تدوينة تلح علي اليوم أكثر

هل الكتابة هنا ضرورية كنوع من العلاج الذاتي / استراحة قصيرة من ايقاع حياتي مجنون ... أم انها مساحة لشخص اخر وحياة اخرى أتقمصها ما بين الفينة والأخرى؟
ما معنى أن يكون الرقم 0 في خانة المعلقين مقابل أن يكون 10؟
حر أكثر؟....منعزل أكثر؟...ما مدى حتمية هذه المعادلة؟

شو كان اسم ابو بريص قبل ما يخلف بريص؟

Happy 100 Postiversary

* * *

عالهامش:

اين اختفيت يا فتى ال Baguette * يا سبب البلاوي

لعنة الله عليك وعلى جميع المعجنات.



* الشخص الذي ادى تصرفه الهمجي الى انشاء هذه المدونة. راجع: "اني قادم 4: حول الدوافع الحقيقية وراء كتابة هذه المدونة الشمطاء" 15/12/2008.

هناك 7 تعليقات:

كيان يقول...

أحلى زفت :)

زفت يقول...

روحي يا شيخة
الهي يبعتلك سوناتا في كل خطوة ويجعل أيامك سيمفونيات

غير معرف يقول...

طيب يا زفوت، أنا تقريباً أول مرة بعقب (بما انو في واحدة تانية تقريبا سرقتلي تعقيبي الاول) مع إني قارية كل ال- 100 اللي كتبهم.. مش انو هالحكي هلقد رومنسي وأثار مشاعري وحشاشة قلبي وحسيت اني مجبورة أكتبلك بس المزبوط التسائل الاخير كتير أثر فيي، وبما اني بكتب وبرضو بأسلوب ساخر بالأساس فأنا كمان دايما بسأل حالي شو فايدته وجع القلب هاد ! بس برد بقتنع كل مرة انها الكتابة مش بس علاج ذاتي انما كزلك طريقة تخلي الناس يوقفوا مراكضة ويفكروا شوي مش بس بالقضايا الكبيرة حتى بالاشيا البسيطة اللي بعملوها في اليوم يوم - بما انو دينهم يومية عم بحترق !
وبنهاية هالتعقيب الطويل، اللي ظل محيرني فيك حتى بعد هالاعتراف اللي فوق - هو ليش بتكتب بإسم مستعار (بغض النظر عن اني بعتبره بجنن) وبدون تفاصيل شخصية ؟؟ ويا ريت تجاوبني وتستمر بالمصارحة عالقليلة بهالبوست :)

زفت يقول...

بتسأليني ليش بكتب باسم مستعار؟ وبدون تفاصيل شخصية؟
ومع هيك بتقولي انك بتكتبي (في مدونة؟)واخترتي تكون وضعيتك "غير معرف".... عجبي

السبب هو باختصار "الحفاظ على الخصوصية" واذا منوخد بعين الاعتبار اني بكتب احيانا اراء مش لطيفة بحق الناس فسبب تاني بكون "الحفاظ على الخصيتين"...

كيف هالمصارحة؟

غير معرف يقول...

السبب الاول بتفهمو وهاد اشي برجعلك طبعا اذا حاسس انو ممكن يمس بخصوصيتك - اما التاني فولو يا زفوت، ما عاش اللي بدو يقرب عليهم :)
ممكن معك حق برضو بهاي بس انا ما بشوف سبب تتخوف من هالناحية، الا اذا معلوماتي مش كافية لأقرر !
بكل الاحوال انا عن نفسي بدي اياك تكمل كتابة - باسم حقيقي او مستعار- وهو المهم.
ملحوظة: انا حاطة "غير معرف" لاني معرفتش اكتب اسمي هون !!! مإليش بالمدونات - وصدق انو مدونتك اول واحدة بتابعها - - - يا لشرف :\

غير معرف يقول...

زفت ...كالعادةانت رائع وممتع بدون ادنى شك. بتامل وبتمى عليك انك تكمل كتابة،لاني بعتبر مدونتك هي فضفضت صديقتي الليلية.
صحيح لسانك رزيل وسليط بس مش مهم "الكل هيك" أن ما حكوها بلسانهم بيحكوها بقلبهم يمكن جبن ما بعرف.

بغض النظر عالاكيد انت من الاشخاص اللي بتمنى اكون صديقةالهم في الحياةالحقيقية
وحدة زفته زيك

خرا يقول...

آآآآ اذا انت زفت فأنا خرا، المهم، مدونة اخت شلن، وهاي مرقت أكثر من سنة وموقفتش تزفيت، وانا تارك اشغالي و أعمالي (قصدي الدراسة المبجلة) عشان اقرا واخرا حكي سعادتك، مش عارف ايش اللي عاجبني بعلاكك الفاضي مع انو الشبكة الخرائية ملانة، يعني كان ممكن مثلا نفحص وضع العدة(بتعرف ملاقيين تا شبعانين، ومش منيكي مع سمانا)، الخلاصة حكيك سليم ولا غبار علي، واذا بتوقف كتابة بدي ... ( دير بالك على "الخصيتين")