الخميس، 20 يونيو، 2013

وانا اقول اتغلب في ابو قير ليه



ابو مازن يدعو ابناء الشعب الفلسطيني  للتصويت لمحمد عساف

ابو مازن يهاتف محمد عساف

محمد عساف: ابو مازن قال لي انت ثروة قومية

محمود عباس شجع محمد عساف

صور محمد عساف مع نجل الرئيس الفلسطيني محمود عباسي

ابو مازن يفاجيء ارب ايول ويعلن دعمه لعساف

الرئيس الفلسطيني ابو مازن يوصي راغب على محمد عساف


 

الجمعة، 3 مايو، 2013

معزوفتين



مقطوعتين لفيسنتي اميغو عازفي المفضل من البومه الجديد




احببت فيديو كليب المعزوفة "روما" لانه متواضع يحاكي رحلة الانسان وانسجامه في المكان







كعازف غيتار هاو اسال نفسي احيانا كيف يحس العازفون العظام عندما يبتدعون موسيقى تلامس روح بشر اخرين وتسمح لهم بحيز بسيط من الشعور بالمعنى والاسترسال في متعة حسية

الأحد، 28 أبريل، 2013

الأحد، 24 مارس، 2013

اهيك لتكافل الاجتماعي ولا بلاش


 

براهن.....براهن انو ولا يمكن تسمع هيك محادثة إلا في راديو فلسطيني.

(المحادثة التالية حدثت فعلا)

 

برنامج: مع الناس

 

مذيع: ايوا مين معانا

متصل: ايوا يا اخي مرحبا...اولا صلي عالنبي...

مذيع: عليه الصلاة والسلام

متصل: ثانيا...انا مش فاهم شو صار بهالبلد....يعني معقول كل هالبلد حرامية...مش سيارة يهودي هاي عالدوار وبعدين ابن اخي...

مذيع:  لحظة لحظة...خليني أفهم عليك...

متصل:  السيارة يا اخي...هاي مكلفتني كتير من شان الله يرجعوها

مذيع:  معلش عيد من الاول...سيارة مين

متصل: هادا يا سيدي سيارتي حطيطها جنب الدوار ونزلت اشوف ابن أخي عندو محل..رجعت سرقوها ... السيارة مزبوط نمرة صفرة (يعني لوحة ترخيص اسرائيلية) بس مش سيارة يهودي يعني علشان يسرقوها...هاي سيارتي أنا....

مذيع:  وخبرت الشرطة

متصل: خبرت الشرطة الأسرائيلية والفلسطينية وعم بدوروا عليها

مذيع:  يعني نحنا خبرتنا مع الشرطة الفلسطينية في مجال سرقة السيارات بالذات انهم بشتغلو منيح...احنا منتامل انو يلاقوها

متصل:  انا بناشد الي سرقها انو يرجعها...هاي سيارة الشغل واحنا وضعنا مبسمحش

مذيع:  بما انو هلأ كل حرامية البلد سامعينك (زفت: ههههههههههههههههههههههه) فمنتمنى عليهم انو يرجعو السيارة

متصل: انا حكيت وتواصلت مع كل حرامية البلد...حكيت مع اللبن ومع طولكرم

مذيع: لا لا عمي مش لازم تسمي قرى وكانو كلها حرامية...هدول افراد

متصل: (يكمل دون ان يسمع المذيع)  وحكيت مع حرامية  بشويكة ووعدوني يساعدوني لما يعرفو مين الحرامي....وحكيت مع......

مذيع:  لا لا ما بجوز تسمي مناطق....عا كل شاكرين اتصالك ومنتمنى على حرامية البلد انو ينتبهو لما يسرقو السيارات... فاصل اعلامي ونعود
***


 لسه البلد بخير

الثلاثاء، 6 نوفمبر، 2012

بذكر بالخريف





حكمة الموسم:

بقولو...كلما بكبر الواحد بعقل

اما انا بقول ..كلما بعقل الواحد بكبر

 
ملاحظة: بعدنا هون

الأحد، 12 فبراير، 2012

ليس بالخبز وحده...وأنما بالموسيقى












انريكه مورينتي يغني للعالم الثالث



تعويذة/تهليلة يغنيها انريكه مورينتي والأطفال للأمهات في الحروب






عالهامش: اذا مش قادرين نتفق عا وصف الي بصير في سوريا.... عا شو عم بصير في سوريا.... لكان عا شو رح نتفق؟


الاثنين، 7 نوفمبر، 2011

خواطر خرائية غير متماسكة





الجبنة العفنة المبروشة
على السلطة الطازجة
هي دليل ما بعد الحداثة الأول
في المجتمعات البدائية

دلك ضميرك بالخردل الديجون
فهو علامة التميز
ذلك ان زمن المايونيز قد أنقضى بلا رجعة

اوه ما أروع التأمل المتثاقف
بينما ترف سيجارة رخيصة في زاوية الفم
هي تذكرة الدخول
لنادي الاستمناء الفكري الفلسفي

كم من حسناء لم تقاوم مقولات أفلاطونية
بينما لم يكن الحب المقصود وراء الخطاب السفسطائي
أفلاطونيا....
البتة


"أود سبر غور جسدك"
أكثر عمقا من:
" خصيتي قد انتفختا من شدة الإثارة"
لكن ما باليد حيلة...باستثناء حيلة اليد


اه يا بلدي
ما اكثر المفاوضين بك
وبخصوصك وحولك وعنك وباسمك
وما أقل .....كل شيء اخر

اجراس العودة لن تقرع
لأن جدرانها المعدنية بيعت
كخردة صدئة لكنها أثرية بعد كل شيء
علقها نوفو ريش فلسطيني في صالونه...وتفاخر


عندما تأكل الخراء بالشوكة والسكينة
ستشعر بنكهة لم تعهدها في الخراء الشعبي
وستعتبر نفسك من رواد مطاعم النخبة


وإذا قصر زمن الانتظار في الحاجز
سنرفع علما رفرافا زهيا
ونعلنها دولة الشراميط العتيدة
عضوة شرف في الجامعة العربية...وحلف الناتو

اه يا بلدي
هل بقي مكان ممكن
لأحلام يقظة ينتابها أمل خجول
ريثما ينتهي هذا الكابوس


اه يا بلدي
وما أكثر الشعارات واليافطات والمرافعات والمنظمات والمؤسسات والدورات والورشات والمؤتمرات والمحاضرات وبناء القدرات والأبحاث والعرائض وحملات التوعية والممولين والترشيد
وما أقل الحرية







* الرجاء عدم البحث عن اي معنى او مغزى او حكمة او شعر او قيمة انسانية او اي شيء فيما ورد اعلاه - مجرد خراء. وجب التنويم.

الخميس، 27 أكتوبر، 2011

يوتوبيا



لو كان عندي بار صغير – اضاءة خفيفة وجو دافيء
شوية طاولات – مش محشور
بتماشى منيح مع جو المدينة بالشتاء
بتماتشى منيح مع الليل
اكل منيح دون تصنع
لوحات فابيان بيريز
والموسيقى علي – اهم شي الموسيقى
بتشوف كيف بتأثر عالجو – عالحديث – عالحميمية
كحول نضيف
محادثة
كل ليلة مغامرة مع ناس وقصص جديدة
كل ما يفتح البار تصيبني قشعريرة الإنتظار والفضول
مين رح يجي هون الليلة ويفوت عا عالمي
عالم وسيع ورحب لكل البشر الي بدوروا عا زمن بطيء
زمن ممكن تحس فيه بقيمة لفكرة – لحركة – لايماءة – لصفنة - لنفس
بضلو فاتح لحد ما اخر زبون يطلع
وبزعل لما اخر زبون يطلع كانو بفارق حبيب
وتاني يوم بفتح بعد ما يفيق عا راحتو
بتلكأ – بتكاسل – بس بتلاقي مستعد يشرب معك قهوة

وعالحيط فوق خشبة البار - الشعار:
أعطنا متعتنا كفاف يومنا

مش كان أحسن من كل هالتعريصة

ملاحظة:
ولا كلمة عن القذافي / صفقة شاليط / فتح حماس / اضرابات / سوريا / الشبيحة / موقفنا من الشبيحة الخ الخ

الجمعة، 22 يوليو، 2011

لحد ما ينشف ريقك




في حملة للإتصالات الفلسطينية اسمها:

" إحكي لحد ما ينشف ريقك"

مش مزح....عن جد في هيك حملة

بتقدرو تجربو ....اتصل على خدمة 199 الفلسطينية بتتطلعلك السكرتيرة الإلكترونية (معينينها بواسطة) وبتقولك:

"إذا أردت الإشتراك بخدمة "إحكي لحد ما ينشف ريقك" إضغط "1"

هاي موهبة انك تسمي حملة بهيك اسم بهيك ظرف دون أي قدر ولو صغير من التهكم الذاتي..... دون ذرة سخرية ذاتية...

هاي المقدمة للحكي الجاي

إنذار: الحكي جاي مش ألعن من المصير الجاي...الرجاء توخي الحذر أو يمكن أفضل

"توخي الحجر"

* * *

حاجز – Take one

"ألو... انا عالحاجز
......................
مأزم شوي بس احسن من مبارح الحمدله
........................
آه حضري الاكل هيني جاي"

(يقفل التلفون الخلوي ويقول لصديقه بصوت مسموع: والله صرنا زي الغنم)

"هوييااا هوويياا كولو يخضير هوييااا"

* * *

حاجز – Take two

"أخونا ... ايش يعني مش ممليين عينك.... في دور"
يستمر اخونا مسرعا في مشيته كانه يسابق كلمات العتب الراكضة قدر طاقتها وباقصى سرعتها خلف ظهره الى بداية الطابور متدافعا
احتمال أ: يتغاضى العاتب على اخونا عن تجاهل اخونا لعتابه وتمر الامور على خير
احتمال ب (تتعالى احتمالات حصوله في الصيف): "عم بحكي معك يا حبيبنا"
اخونا: انا صرلي هون ساعة
العاتب: كذاب هلأ بس اجيت
أخونا: تقوليش كذاب ولا بدعس ببطنك
العاتب: سد بوزك يا ابن ال........
ابن ال: كول هوا يا اخو ال......
أخو ال: له له يا كلب يا ابن ال... والله ل...... ورح أ......... وآ.......
فاعلي الخير: يا شباب هدوها......خلص استهدوا بالله

تمر ربع/نصف ساعة حتى يهدا ابن ال.. واخو ال... ويهز جميع فاعلي الخير روؤسهم وتسمع اللازمة التي تسمع دائما في هذه المواقف: "العرب عمرهم ما بصيروا بشر".

"هوية هويااا"

* * *



Minority report - النسخة الفلسطينية (حدث فعلا):

مشتبه: معلش بدي اسأل سؤال بعد إذنك

محقق: تفضل

مشتبه: أجت علينا شكوى من حدا؟

محقق: لا أبدا

مشتبه: طب إنتو ليش أخذتولنا الملفات من المكتب...اذا هيك؟

محقق: علشان إذا أجت عليكو شكوى...يكونو عنا

مشتبه: ...............


* * *


يساري: وهاي الخلاصة الي كل انسان لازم يوصلها بهالظرف الحالك.... التحليل الدقيق الي بتوفره الماركسية لفهم تجليات الصراع الطبقي في سياق صراع قومي...مع الأدوات الإضافية الي وفرها غرامشي والنيو ماركسيين بتحتم علينا نوخد موقف واضح....صارم...لا هوادة فيه

مستمع: اوكي...موافق معك .بس مفهمتش هاي قصة الكوريدور الفلسطيني

يساري: الكومبرادور...الكومبرادور الفلسطيني

* * *

مذيعة: يكون الجو غدا غائما جزئيا ومن المتوقع سقوط أمطار خفيفة في منطقة رام لله وتكون الرياح معتدلة السرعة لكن تبقى درجات الحرارة أعلى من معدلاتها السنوية....والله أعلى وأعلم

أعلى
وأعلم



* * *

مذيعة: ما هي المشاكل الأساسية التي يعاني منها الجهاز القضائي الفلسطيني

قانوني: هي لأسف مشاكل أساسية لها علاقة باستقلالية القضاء ونزاهته...أولا يا أختي هناك إجماع ان العديد من القضاة غير مؤهلين لممارسة هذه المسئولية الجسيمة نظرا لتعيينهم بسبب المحسوبيات والواسطة وإرضاء هذا الطرف أو تلك الحمولة....ثانيا...الكثيرمن القضاة ينتمون حزبيا وسياسيا لحزب السلطة ويغلبون انتمائهم السياسي على مبدأ نزاهة القضاء في حال تناقضهما....ثالثا....العديد من القضاة لا يتجرؤون على اصدار احكام تلغي قرارات ادارية لجهات حكومية خوفا من عدم احترامها وتنفيذه...رابعا...ليس للجهاز القضائي أي سلطة على الأجهزة الامنية التي تجاهلت وتتجاهل قرارات ملزمة..خامسا

مذيعة: وما الذي تنوون فعله كائتلاف لأجل نزاهة القضاء

قانوني: سنقوم برفع التماس للمحكمة العليا قريبا....

* * *
"قوم فوت نام....صير احلم...انو بلدنا صارت....بلد"

"قوم فوت نام ...هل أيام...حارة بيسكرها ولد"

* * *

شوفير: وقالولي يا بتشتغل معنا يا منعدك على حماس ومنخرب بيتك...

راكب: مبن هدول.... الإسرائيليين؟

* * *

موسيقى مفرطة في الرومانسية.....

* * *

رغم القهر الي معبي العقول
شو ما تحكي عن هالشعب المسطول
المصيبة
المصيبة
بضلو مطنش عا طول

عندي اوسلو بيحميه العربيد
من وقته وهالشعب عالحديد
بس
المصيبة
المصيبة
بدنا نفاوض وهاد شي أكيد

في خلل
ايه في خلل
وأوقات بيطلع من هبل
وأوقات بيضل سنين وسنين لحد ما يسبب شلل


* * *

بدنا نروح عل الأمم المتحدة أو لأ؟

أبو مازن: قررنا التوجه للأمم المتحدة.
أبو مازن: قررنا التوجه للأمم المتحدة في حال عدم تجدد المفاوضات.
أبو مازن: قرار التوجه للأمم المتحدة يحتاج الى دراسة مستفيضة.
ابو مازن: قرار التوجه للأمم المتحدة منوط باجتماع الرباعية.
أبو مازن: لا تراجع عن قرار التوجه للأمم المتحدة.
أبو مازن: لا تراجع عن قرار التوجه للأمم المتحدة في حال ان الرباعية ....


والله أعلى و....

الله: ياخي حلو عن طيزي. متاكدين أنو انا خلتقو؟

* * *

الجمعة، 24 يونيو، 2011

يقولون عن البلاد الحرة (لأجل سوريا)

يقولون أيا صاحبي عن البلاد الحرة انها الجنة على الأرض....

لا لأنها تجري فيها أنهار العسل والنبيذ, فشوارع مدنها الكبرى - كأي متروبولين عصري- مكتظة ومزدحمة في ساعات النهار, لا يكاد المرء فيها يشعر بيومه من فرط الاستعجال والركض وراء لقمة العيش, بل لأنه يستطيع ان يحصل لقمته بشرف وكرامة وإن كان يعمل ضد الحكومة ويسبها في الجرائد ليلا نهارا

يقولون ان للمرء في البلاد الحرة حقوق, بعضها مطلق غير منوط بأي واجب مثل الحق في الحياة وبكرامة, الحق في التعبير, الحق في المساواة, وبعضها مرتبط بتنفيذ واجبات مدنية يسنها القانون ويفرضها بالتساوي على الجميع

يقولون انه في البلاد الحرة هناك معنى اخر لكلمة نظام ومعنى اخر لكلمة أمن غير المعاني التي نعرفها نحن. نظام لديهم تعني منظومة قوانين ومؤسسات تعمل لتحقيق الهدف الذي وجدت لتحقيقه. مثلا نظام الضرائب وأنظمة السير. ليس هناك كما لدينا نحن "نظام" أشبه بالشبح الذي يمسك بخيوط كافة السلطات المؤسسات والقوانين والأنظمة ويحرفها لتحقيق أهدافه هو, وهي في الغالب عكس أهداف الشعب

أما الأمن كما يصفونه في البلاد الحرة, فما هو إلا أمن المواطن وأمن الجمهور وحمايته في كثير من الأحيان من السلطة نفسها. ويقولون انه بقدر الصلاحيات الواسعة الممنوحة لسلطات الأمن تكون الرقابة عليها أشد خوفا من سوء استغلالها لهذه الصلاحيات حتى ان المبدأ الأساسي الذي ينظم عملها هو "رجل الأمن غير مخول باتخاذ أي فعل لم يخوله القانون بفعله بشكل صريح ومباشر"

يقولون ان الشعب في البلاد الحرة هو مصدر السلطات والقوانين ومصدر شرعيتها وتحكم باسمه أحزاب يترأسها أناس عاديون يتناوبون على الحكم وليس شخصيات أسطورية أو حيوانات خرافية تستمد شرعيتها من أبعاد ميتافيزيقية في أوقات السلم وحمامات الدم عند حدوث الاضطرابات

يقولون انك في البلاد الحرة لن تخاف ان يخرج ابنك من البيت ويختفي الى الأبد لأنه نشط في العمل السياسي الحر أو خرج عن السلطة الدينية أو حول تغيير توازن القوى السائد

يقولون عن البلاد الحرة ان خيراتها تعود اولا وأخيرا على أهلها فيكون لهم فيها اكتفاء وعزة نفس تحثهم على الاعتزاز ببلدهم, دون تعصب قد يمنعهم من مجاراة الحداثة وتطورات التصنيع, وانهم يعتبرون نظامهم المدني والسياسي بطاقة عضويتهم في طليعة الدول المتحضرة.

وعندما يسأل السائل كيف أصبحت هذه البلاد حرة وكريمة يشير الجميع الى جيل المؤسسين, الجيل الأول الذي مشى رغم من سقطوا ورغم من سجنوا واشترى حرية بلاده بدمه


أنا لا أعرف اذا كان هذا الكلام صحيحا

لا أعرف شكل البلاد الحرة وكيف يكون العيش فيها

انا فلسطيني أعيش تحت الاحتلال

وما زلت أفاوض

وما زلت ابحث عن دولتي في مؤتمرات القمة كما بكاني مظفر النواب

التونسيون, المصريون, السوريون ومن يقرر ان يمشي في طريق الآلام الى نهايتها هم الذين يعرفون

الثلاثاء، 3 مايو، 2011

طز بفخامتك






اسمحلي
بين قصيدة مدح والتانية
وإعجاب فيك ما بينتهيش يملأ الدنيا
ومقدمين برامج يبجلوا عظمة سيادتك
يستنوا اي عضمة ترميها سعادتك
بين كل دول اسمحلي أساهم
واعبرلك عن إعجابي بقامتك
إسمحلي اقولك:
طز بفخامتك





إسمحلي
باسم دول الي ماتوا بسجونهم
ومكانش في حد يسمع لصوتهم
صراخهم طالع من اعمق كيانهم
اصابعهم على الجدران حفرت ألمهم
رسمت اخر صور مرت ببالهم
دلع نسوانهم وضحكات عيالهم
ازاي قلمي يسيبهم ويعظم سعادتك
أقولك؟
طز بفخامتك


إسمحلي
اخرج عن صف كتابك شوية
ومن وسخ اكاذيبهم اغسل ايديا
واكتب ما يمليه ضميري علي
مش عشان كم جنيه وترقية
ومبيعش نفسي في مزادات علنية
ومقولش عن ظلمك لشعبك هدية
ولو رفضت مقالاتي جرايدك الرسمية
برضو مش حبطل اعاندك
وحكتب
طز بسعادتك

اسمحلي
ولو عشان اولادنا وحياتهم
عشان انزع جبننا من سماتهم
عشان ما يكونش الصمت من عقدهم
اصلك حتتركلهم زعيم وارث سياستك
يلوحلنا من الشرفات بأسمك
حنشوفه لابس نياشينك كعادتك
ومادام ناوي تبلينا بنسلك
بقولك
طز بسعادتك

الخميس، 21 أبريل، 2011

على بال مين يلي بترقص بالعتمة


يا سيدي بقلك نحنا الفلسطينية اكتشفنا مؤخرا وبعد أكثر من 40 سنة انو الحل لمشكلة الإحتلال كان طول الوقت بين متناول ايدينا. كانت ضايعة ولقيناها...ووين لقيناها؟!!؟ مش بالصدفة تدركمنا فيها ونحنا في المسيرات العارمة الي الضفة وغزة بتعج فيها... ولا الي كشفها الحراك الشعبي المهول الي قلب كل المعادلات على الأرض.... وحتى الإنجاز التاريخي المتمثل في انهاء الإنقسام مش هو الي خلانا نلاقي الحل الي رح يغير كل موازين القوى ويخرج شعبنا من صحراء التيه الى صدارة الشعوب الفاعلة في التاريخ.

مش نحنا اللي لاقينا الحل....الحل هو الي لاقانا. زي التفاحة الي وقعت عا راس نيوتن بالظبط. الله بعلم شو كان مصير الإنسانية لولا هالتفاحة. بس برضو هاذا ما بقلل من إنجاز نيوتن لأنك لازم تكون في المكان الصح وفي الوقت الصح. وانا هلأ متخيل كل اميركان رام الله عم بقولو مع بعض (timing is everything…man). يعني تخيل انت انو نيوتن كان قاعد تحت شجرة جوز هند مثلا وقال وقعت عا راسو حبة جوز هند وقتلتو. ما كان بتسمع عن نيوتن, أو بتسمع عنو ك"العالم الذي مات اغرب موتة في التاريخ". او تخيل انو باللحظة الي رفعت المي جسم أرخميدس في البانيو كان عقل الزلمة مشغول باشي تاني... مش بعيدة.. مثلا كان يمارس العادة سرية بهديك اللحظة تحديدا وتروح المي ترفعلو جسمو...كان رح يحس بالإشي او يعطيه اي أهتمام فكرك؟ ما ظنيت.



خلاصتو: كيف ما لاقينا أو لاقانا الحل لازم نعطي رصيد كامل لقيادتنا الحكيمة والي بعد سنون (جمع سنوات) من الأداء الفاشل تفوقت على نفسها أخيرا ومسكت بأيد شعبها وقالتلو : "دادي حطة بطة" حتى الإستقلال الكامل والدولة الغير منقوصة.


والحل هو.......(تسارع دق الطبول)....هو: الإعلان عن دولة فلسطينية من جانب واحد.


هلأ رجاء ما حدا يتفذلكلي ويقولي ما أصلا كان في إعلان استقلال فلسطين في اواخر الثمانينيات. رجاء... مش ناقصنا نحنا سوداوية... وقتها الفلسطينيين اعلنو عن الإستقلال كفكرة....يعني كطموح... مثاليات. اليوم نحنا عنا دولة مش ناقصها إلا الإعلان عنها.... يعني الدولة موجودة قدامنا كاملة متكاملة.... وكانت متخبية او نحنا مخبينها تحت ستار وعم منغذيها شوي شوي... كنا منفاوض بايدنا اليمين ومنغذي الدولة الطفلة الوليدة بايدنا الشمال.... وبتكبر هاي الطفلة على ايدين ابو مازن وأبو فادي وأبو مش عارف مين واسرائيل نايمة على ودنها وكمان الشعب الفلسطيني نايم على ودنو ونازل يغلط على هاي القيادة الحكيمة وبتهمها قال ايش....قال انو عم تعمل اجهزة أمنية علشان تقمع المقاومة.... شوف الجحود....قال انو بايعة القضية مقابل مال وجاه ومتورطة عشرين سنة بمفاوضات عبثية.... مهو هادا الفرق بين القيادة والعوام....بين الناس الي بتتحمل مسئولية تاريخية وبين الهردبشت.... بين "اعطنا خبزنا كفاف يومنا" وبين الي بحسبو تحركاتهم للمدى البعيد كلاعبي شطرنج محترفين.

صبرت هاي القيادة على الإهانات والشكوك والذل وظلت تبني وترعى الدولة الوليدة,
صبرت على كل شبر أرض صادرته اسرائيل .... مهو مش الكم الي بفرق ولا تقاس الدول بمساحتها
صبرت على بناء الجدار العازل وتقطيع أوصال الضفة الغربية ..... مهو بالاخر بدك حدود ملموسة بين كل دولة ودولة
وصبرت على تكريس سياسات التهويد والتطهير العرقي في القدس .... مهي العيزرية وأبو ديس برضو قدس وبايدينا
وصبرت على توسيع الإستيطان وتضاعف اعداد المستوطنين من وقت اوسلو .... مهي بالاخر رح تكون ضمن نفوذ الدولة الفلسطينية
والقائمة طويلة

تحت اي منظار تاني ممكن تبين هاي الممارسات كتخاذل بل وأكثر من هيك.... بس اليوم لما تبين انو كل ما ذكر كان هدفه الوحيد نكسب وقت علشان نكمل مسيرة البناء الي قريبا جدا رح تكتمل, ولما نشوف الكم الهائل من الإنجازات والإستحقاقات الي حققناها, لما نشوف انو:

الدولة مشغلة فوق ال 150000 موظف حكومي معاشاتهم ومعيشة عائلاتهم منوطة بالولاء السياسي لهؤلاء او لأولئك
الدولة عندها قوات حفظ نظام بيدربوها جنرالات امريكان وهدفها حماية الشعب من نفسه
الدولة بتحتاج لموافقة اسرائيل علشان تغير عنوان في هوية
الدولة خفضت نسبة البطالة الى 24% "فقط", 18% في الضفة الغربية (18% بالتقريب منهم يعمل في المستوطنات وداخل اسرائيل) وما يقارب 37% في قطاع غزة
الدولة مش قادرة تنفذ قرار بمنع عمل الفلسطينيين في المستوطنات بسبب عدم امكانية توفير اماكن عمل بديلة
عجز الدولة منذ بداية 2011 يقدر ب 500 مليون $ والسلطة تمر في ضائقة مالية شديدة
دولة فيها المواطن مديون من أعلى رأسه الى أخمص قدميه... بيته بالدين.... سيارته بالدين ... العفش بالدين .... بشتري غراضو بالدين ... بعلم ولادو بالدين .... والبنوك فاتحو بواب القروض على مصراعيها وبفوائد عالية ... أي تأخر في الدفع بسبب طرد من العمل او سجنة او اي سبب كان معناتو دمار شامل ولعيلتو...
خلاصته: الدولة متعلقة تماما بالتمويل الأجنبي ولن تصمد يوما واحدا في حال تسكير "الحنفية".

لما نشوف هاي الإنجازات منفهم قديش الفلسطينيين قريبين من الدولة.... وقديش الإعلان الأحادي الجانب رح يحط اسرائيل وحلفائها قدام الأمر الواقع. غمضو عيونكم وتخيلو معي قديش رح يكون موقف اسرائيل بايخ بعد هذا الإعلان:

لما يوقفني جندي ما بين رام الله ونابلس ويطلب هوية رح أبعبصلو واقولو "لا حبيبي ...سوري كثير... هذا كان مبارح لما كنا تحت إحتلال ... اما اليوم فأنا واقف على أرض دولتي".... ورح اعيد نفس الحكي وانا أتدعوس ضرب وكفوف .... ومش رح اتراجع عنو بتاتا لما يشحطوني لمركز تحقيق ورح أعيد عليه بحذافيرو لما يجروني على محكمة عسكرية واكل حكم شهر حبس.


ولما اجي اطلع بريت البلاد مش رح أقبل بأي شكل انو خلقة اسرائيلي يفتشني أو حتى يتطلع على باسبورتي لأنو انا طالع من دولتي لدولة ثانية ومش محتاج جمايل اسرائيل ولا معابرها ولا مطاراتها.



وإذا أي طيارة اسرائيلية بتتجرأ انها تطير في سماء دولتي رح اقدم شكوى رسمية للامم المتحدة وأطالب مجلس الأمن بفرض عقوبات دولية على اسرائيل بسبب خرق المجال الجوي لدولة سيادية واهدد باستخدام القوة من منطلق الدفاع عن النفس ضد العدوان ورح "احتفظ بحق الرد في الوقت المناسب".


والاهم من هيك انو ما رح أقبل اي حدا يسمي أرضي أرض محتلة ويعملي NGO ويسمي حالو مؤسسة حقوق انسان ورح أرفض اي تواجد لمبعوث أممي يوثق انتهاكات حقوق إنسان, لأنو أصلا هادا شأن داخلي بخصش حد.

هيك منكون حطينا اسرائيل في خانة اليك. هيك منكون قرعنا الخزان أخيرا ومش بس قرعناه, فصلنا منه دولة على قياسنا.

هيك منكون حققنا الحلم اخيرا. وانا عن نفسي رح اكون مواطن فخور وبالمناسبات الوطنية رح اوقف وأغني كلمات النشيد الوطني بكل جوارحي:


"على بال مين يلي بترقص بالعتمة"

__________________________________________


سؤال:

وشو مع غزة؟
شكلو هدولاك لسه أشطر.... تجاوزو الدولة والمجتمع الدولي الى إمارة اسلامية .... اوتوستراد عدل.

السبت، 2 أبريل، 2011

الشعب الفلسطيني يريد ؟!!؟ يريد...:

1. إنهاء الانقسام 2. تكوين النظام 3. إنهاء الاحتلال 4. الرزق الحلال 5. الشيء المحال 6. استمرار المفاوضات 7. وقف المفاوضات 8. حكومة تكنوقراط 9. ضراط عالبلاط 10. حكمة سقراط 11. قسم ابيقراط 12. قلعاط 13. وقف التطبيع 14. بدء التصنيع 15. كله يبيع 16. محاربة الغلاء 17. ممارسة البغاء 18. شنق العملاء 19. باطون ابو علاء 20. ثورة ثورة ثورة 21. ثروة ثروة ثروة 22. صياغة الدستور 23. كشف المستور 24. كسر الحصار 25. شد الزنار 26. ازالة الحواجز 27. عض النواجز 28. القدس 29. ال*س 30. تحرير الأسرى 31. تشجيع الاستثمار 32. تسهيل الاستعمار 33. تحيير الأسرى 34. دعم الثورات 35. الحياد التام 36. الأمن العام 37. الدم المسفوح 38. التصريح المفتوح 39. دولة في الأفق تلوح 40. سفينة نوح 41. دعم الشرعية 42. حكم الرعية 43. ديمقراطية شفافة 44. الحكم الرشيد 45. مجتمع المؤسسات غير الحكومية 46. حكومة المؤسسات غير الحكومية 47. رضا الوالدين 48. رضا الممولين 49. أسمع يا رضا كل شي عم يغلى ويزيد 50. يريد vibrator عريض

الاثنين، 14 فبراير، 2011

في كل شارع ببلادي.... صوت الحرية بنادي

الثورة المصرية أظهرت اجمل ما فينا

هنيئا لكم

هنيئا لمصر

هنيئا لنا جميعا *

_________________

ما عدا المنايك
*

الأربعاء، 19 يناير، 2011

الضوء في نهاية النفق



1. حسب نظرية الألعاب GAME THEORY فإن الأنظمة القمعية تحاول خلق معادلة بحسبها يكون ثمن المقاومة والمعارضة غاليين جدا, ولذا فهي تقمع الأفراد التي يحاولون زعزعة توازن القوى بشكل وحشي وعلني لتكون التكلفة واضحة لكل من تسول له نفسه وهذا الثمن الباهظ هو الذي يضمن ان يتردد اكبر عدد ممكن من الأفراد – هو الذي يسمى الأغلبية الصامتة – قبل ان يقطع فعل التحدي نقطة التحول من حركة أفراد الى فعل جماهيري شعبي.


إذن فالسؤال هو, ما هي الشروط او الفعل او الأفعال التي تدفع الناس ما بعد هذه النقطة أي الى الشارع... ولا أقصد مظاهرة تضامن مع قضية او شعب اخر في مكان اخر او خروج مجموعات مؤدلجة او حزبية وإنما خروج الإنسان العادي من مربعه المريح الى الحيز العام متحديا البنية السلطوية التي تعود لعقود ان لا يسائلها وأن يلغي ذاته أمام اي من رموزها.


بكلمات أخرى, ما الذي حصل في تونس بالظبط ولماذا في تونس تحديدا؟ هل شعب تونس جائع أكثر من الشعب المصري أو اليمني؟ هل هناك ما يميز الثقافة السياسية التونسية ولا يميز غيرها؟ هل كانت قبضة الأنظمة الأمنية التونسية أقل احكاما من نظيراتها؟ هل تباطأ النظام التونسي ولم يعطي الحدث حقه فجائت ردة فعله بعد الاوان؟


ما وزن إحراق محمود بوعزيزي الشاب التونسي لجسده احتجاجا في تأجيج الإنتفاضة التونسية – على غرار احراق يان فالاخ الطالب التشيكوسلوفاكي نفسه احتجاجا على احتلال الإتحاد السوفييتي (تبعه خلال بضعة أشهر في ذلك 3 طلاب تشيكوسلوفاكيين), علما انه ما عدا بعض المظاهرات الإحتجاجية لم يحدث انتحار الطلاب التشيكوسلوفاكيين تغييرا جوهريا في حينه.


من يعلمنا الخيمياء التي تمكننا من انتاج عنصر حراك الشعوب والذي أطاح بنظام ديكتاتوري قائم منذ أكثر من عقدين في غضون يومين؟

2. كم هو رمزي ان يكون الفعل الذي يعتبر مفجر الثورة التونسية فعل انتحار, ضد-ديني بامتياز.

3. كم هو مثير للإشمئزاز انه لدينا نحن الفلسطينيون أصبح هناك نظام يخاف من تأثيرات الإنتفاضة التونسية.

4. أرجو ان يستثمر التونسيون انتفاضتهم المجيدة لإقامة أول نظام ديمقراطي حقيقي يكون بحق بداية النهاية لأنظمة القيء العربية.

5. إذا الشعب يوما أراد الحياة فلا بد ان يستجيب القدر

ولا بد لليل ان ينجلي ولا بد للقيد أن ينكسر

6. الإنسان العربي ما زال حيا.


- مقالة قيمة جدا لعزمي بشارة عن ثورة تونس, اسبابها, ميزاتها, ومتطلبات المرحلة بعنوان "بصدد ثورة تونس الشعبية المجيدة" على الرابط ادناه:



http://www.arabs48.com/?mod=articles&ID=77411

السبت، 1 يناير، 2011

تدوينة للعام الجديد

الإنسان بحاجة الى محطات. يطمئنه الشعور انه وصل الى مكان يكون علامة فارقة على الطريق. يتمالك نفسه, يقيم وضعه, يحسب ربحه وخسارته ثم هيا الى........ أغلبها محطات وهمية ناتجة عن تغيير الإيقاع في الزمن بينما الزمن نفسه هو المسيرة الحتمية التي لا مفر منها. سوزان سونتاج في كتابها عن التصوير تصف الصورة كأنها لحظة جمدت وخرجت عن التيار. هي لحظة انتفى عنها عنصر الزمن الواقعي وأصبح الزمن تفصيلا من تفاصيلها.

لم أخذ صورا كثيرة عن 2010. وبعد زمن ليس بكثير ستضيع أفراحها وأحزانها وخيباتها في خليط الذاكرة حول محطات سابقة. 2010 ستصبح ككثير من السنوات قبلها فترة زمنية هلامية تستحضر لتوثيق حدث ما أو على الأقل لتحصر حدوثه ما بين حقبة وأخرى. "نعم نعم.... حدث ذلك في 2009 أو 2010".

ليس هناك أي مرارة فيما أقول ولا أتحدث الان عن عبثية أو عدمية الحياة. انها فقط طبيعة المحطات.

هيا إلى الأمام

الاثنين، 20 ديسمبر، 2010

مئة تدوينة زفتية


Prologue

القارئ العزيز والذهب الإبريز,

هذه المدونة قد تبدو لأول وهلة سلبية دون رسالة, ساخرة دون هدف, حاقدة ومتحاملة على بيئتها دون رغبة في التغيير.

وصاحبها قد يخلق إنطباعا سيئا عن شخصه إذ لا ينفك ينتقد ويسخر ويشتم ويسب, ويكثر من إستعمال ألفاظ تخدش الحياء وتمنع أي أمكانية لحوار أو نقد بناء. لا تعجبه لا قيادة سياسية ولا عادات وتقاليد مجتمعية, والدين بالنسبة له مادة تصلح للسخرية والنقد كأي مادة أخرى.

من المؤكد انك لا ترغب ان يكون هكذا شخص صديقك او حتى من معارفك خارج إطار الشبكة العنكبوتية.

وبالنسبة لي لا أكترث كثيرا بسبب هذا الانطباع,

لأنني أعرف انه في النهاية من يعرفني في الحياة الحقيقية يعرف

ان هذا الانطباع صحيح تماما.

* * *

زفت: معلش اخونا ...وين دايرلي طيزك ورايح؟

زفت الحقيقي: رايح أطفي الشمعات...وين رايح يعني؟ على "تسجيل الخروج"

زفت: يعني خربتها وقعدتلي على تلها...100 تدوينة...فاهم شو يعني 100 تدوينة؟

زفت الحقيقي: شو يعني؟

زفت: ولك انت بحياتك ما عملتش 100 ولا إشي ما عدا انك توكل وتشخ وتنام...يعني شغلات مجبور تعملها...فاهم شو يعني تكتب 100 تدوينة؟ معناه بالنسبة الك هاي المدونة اشي كبير ومهم

الحقيقي: مالك شو قصتك؟ مهي تدوينة ورا التانية مبتحسش كيف وصلت...مش هالقد شغلة "واو" يعني

زفت: طب ما هو برضو الرجيم بكون يوم ورا يوم ومبتحسش فيو...وصلت مرة 100 يوم رجيم حضرتك؟

الحقيقي: شو حبيبي...لتكون من هدول الي بئامنو بالارقام السحرية وبصيروا حساسين كلما فاتو "عا جيل المراهقة" ولا طبقوا ال 18 سنة. انا أبوي سألني عل 18 "يابا كيف حاسس اليوم؟" قلتلو : "يابا صارلي من الصبح مسهول" ...حل عني انت التاني


زفت: يا زلمة ما قلناش تكتب لحالك كرت معايدة...ولا تبين رومانسي زيادة. بس فيش حاجة تنكدها... "هذا الانطباع صحيح تماما"!! لا مش صحيح تماما. انت شاب واعي ومثقف ولذيذ وألف....

الحقيقي: ايوه....الف ايش؟

زفت: ألف لا بأس عليك يا أخي...العمى

الحقيقي: اه هيك...فكرتك رح تغلط. الزم حدودك وتفتحليش مواضيع شخصية هه. لو بدي هالشغلات كان فتحت فيسبوك. كان فتحتلي صفحة وجه بس انا بهمني اكتر ماء الوجه. مركز معاي انت؟

زفت: مركز مركز.

الحقيقي: ولعلمك كنت بفضل بدل كل تدوينة أكون سهران مع صحابي أو أعمل اي اشي تاني فيو تفاعل مع بني ادمين...مهو بالاخر بدل ما اكون احاكي بحالي زي هلأ....

زفت: شكلو عن جد "هذا الاتطباع صحيح تماما"...

الحقيقي: طب كس إمك معناتو

زفت: ولروحك ايضا

الحقيقي: عقبال ال قديش أقلك قبل ما أطلع

زفت: خليها حسب التساهيل

الحقيقي: ماشي الحال...سلام

زفت: ولروحك أيضا

* * *

Epilogue

مئة فعل كتابة باسم مستعار ودون تفاصيل شخصية....

بعد مئة تدوينة ماذا بعد؟ ماذا تغير؟

اسئلة كثيرة تواجهني بعد كل تدوينة تلح علي اليوم أكثر

هل الكتابة هنا ضرورية كنوع من العلاج الذاتي / استراحة قصيرة من ايقاع حياتي مجنون ... أم انها مساحة لشخص اخر وحياة اخرى أتقمصها ما بين الفينة والأخرى؟
ما معنى أن يكون الرقم 0 في خانة المعلقين مقابل أن يكون 10؟
حر أكثر؟....منعزل أكثر؟...ما مدى حتمية هذه المعادلة؟

شو كان اسم ابو بريص قبل ما يخلف بريص؟

Happy 100 Postiversary

* * *

عالهامش:

اين اختفيت يا فتى ال Baguette * يا سبب البلاوي

لعنة الله عليك وعلى جميع المعجنات.



* الشخص الذي ادى تصرفه الهمجي الى انشاء هذه المدونة. راجع: "اني قادم 4: حول الدوافع الحقيقية وراء كتابة هذه المدونة الشمطاء" 15/12/2008.

الثلاثاء، 14 ديسمبر، 2010

بعض من الجاز

عدد من عباقرة الجاز وكل واحد منهم يعرض قرائته للمقطوعة.



الاثنين، 15 نوفمبر، 2010

الاشمقراف



من المؤكد انك يا عزيزي القارئ لم تسمع (استعمال لغة المذكر تنبع من دوافع ذكورية شوفينية متطرفة – مما استوجب التنويه) بمصطلح الاشمقراف قبل هذه اللحظة, ذلك ان هذا المصطلح مستخرع لغوي حديث أملك كامل حقوق ملكيته. الإشمقراف يا عزيزي, هو دمج الاشمئزاز مع القرف والتحامهما عضويا وكيميائيا بحيث يتكون لدينا عنصر شعوري جديد يفوق في مرتبة تطرفه الشعوري جميع مراتب بغض الشيء والنفور منه.

وقد تعلم – وأغلب الظن انك يا عزيزي لا تعلم- ان أبا منصور عبد الملك بن محمد بن اسماعيل الثعالبي النيسابوري ( كما يلي وللإختصار: ابو منصور) وهو أديب فصيح وعالم علامة في اللغة وعلم الألسنة قد فصل مراتب الشيء ودرجاته من أقله الى أقصاه, لكنه لم ينتبه الى تفصيل مصطلحات اللغة التي تدل على شعور المرء بالنفور من أمر ما أو مكان ما أو شخص ما وما الى ذلك من شخوص معنوية وغير معنوية تملأ عالمنا العربي والفلسطيني الغني, ربما لأنه لم يعش في أيامنا هذه.

وإن كنت أنا - والعياذ بالله من كلمة أنا - أقل شأنا وأوضع مكانة من أن أرى نفسي مكملا لمشروع أبو منصور إلا أنني سأدلي بدلوي وإن من باب طفح الكيل وبلغ السيل الزبى, ذلك اني لم أعد أحتمل العيش في هذا المكان في هذه اللحظة الزمنية وأرى أنني إن لم أنفس عن "مشاعري السلبية" وال "أغرشن" أي العدوانية كما وصفتها إحدى الصديقات من المحتمل أن ارتكب بعض الأفعال التي لا يمكن ان يحمد عقباها أو أفقد صوابي فأدور عاريا ملط في قرانا الحبيبة في الجليل الأعلى أو النقب الأغلى.

إذن فأن للقرف درجات وهي:

الامتعاض – فالنفور – فالتقزز - فالقرف – فالاشمئزاز –فالاشمقراف


وهذه الأخيرة يميزها تلازم شعور مستمر يتراوح ما بين القرف في الحالات الجيدة والاشمئزاز في السيئة بحيث لا يبقى متسع لفرح أو تفاؤل أو حتى أمل ضئيل طالما يسود هذا الشعور أي إنسان (بشرط انه إنسان طبعا). فالجديد في هذا المصطلح وما يميزه عن المراتب الأدنى هو وصف كثافة الشعور الحسية واستمراريته الزمنية التي تتجاوز الشعور الآني لكنها لا ترقى بدورها إلى صفة أو طبيعة الشخص. ما أود قوله هو أن المشمقرف هو غير السوداوي فالأول قد يكون متفائلا ضحوكا لكنه تدرج في مراتب القرف بسبب محيطه الى أن بلغ بالاشمقراف وقد يشفى منه بتغير المحيط, بينما السوداوي يتوقع السيئ فلا يصاب بالإحباط إن حصل. وهنا تجدر الإشارة ان المصاب بالاشمقراف قد يتحول – في حال بقائه في محيطه المقرف – الى السوداوية المفرطة والناتجة عن تجربة وليس عن طبع.


بعد هذه الديباجة التي لم يكن لها أي لازمة, خلاصة القول أيها الأخوة والأخوات – اني مشمقرف:

مشمقرف بسبب حالنا السياسي

مشمقرف بسبب الفساد المستشري

مشمقرف بسبب العنف المجتمعي (اليوم وانا اكتب وقعت طوشتين قريبا من شباكي)

مشمقرف بسبب ما يسمى جرائم الشرف

مشمقرف بسبب حال مجتمعاتنا

مشمقرف بسبب ازدواجية المعايير لدينا

مشمقرف لأننا لا نحترم الفرد

مشمقرف لأننا نكره الاختلاف ونحارب المختلف

مشمقرف لأننا عنصريين بغضاء حتى فيما بيننا

مشمقرف لأننا احترفنا ذهنية الضحية وقبعنا فيها مرتاحين

مشمقرف لأننا نفتقد لحس الجمالية في كل شيء

مشمقرف لأن المتعلمين لدينا يعودون لقراهم ليكرسوا الحمائلية

مشمقرف لأن الموسيقيين لدينا يقتاتون الفتات بينما ينعم المحترفين الحزبيين بالرخاء

مشمقرف لأننا نخطب حول تكاتف مجتمعنا وتعاضده (مقارنة بالغرب) بينما يقبع فقرائنا بالخراء

مشمقرف لأننا انهزاميين في تفكيرنا نهرب من المواجهة حتى مع ذاتنا

مشمقرف لأنه يمكن لقياداتنا ان تضحك علينا عينك عينك و"تطيز" علينا عينك عينك

مشمقرف لأننا قمعيين ضد الضعفاء لا نرحم مرؤوسا او موظفا

مشمقرف لأنه يمكن لأحد ان ينشق أمنيا مع عدوه بينما يتغنى في الثورة والتحرير

مشمقرف لأنه هناك في زمننا هذا ما زال يؤمن أن شعر المرأة عورة وأن ركبة الرجل عورة

مشمقرف بسبب شبكة المجاري التي تفيض كل يومين بقرب منزلي

مشمقرف لأن سيل المياه ضعيف عندما أستحم

مشمقرف لأننا نتبنى نظرية الغيبيات كلما فشلنا في تفسير شيء وتحليله

مشمقرف لأنه ثبت ان كعكة الجلي أكثر ثباتا من أحزابنا العلمانية على مواقفها

مشمقرف من المدينة التي اعيش فيها والدواب الذين أصادفهم يوميا يتحرشون بطالبات المدارس (نظرة استعلائية لا شك)


والقائمة تطول وتطول وتطول


خلاصة القول اني لمشمقرف وأفكر جديا في تسجيل جمعية خيرية أو خرائية اسميها "مشمقرفون بلا حدود". سأبلغكم بالتطورات.


تحياتي

كدت أنسى:

مشمقرف لأن غالبية من يصلون الى مدونتي تم تحويلهم اليها بعد أن كتبوا كلمة "طيزي" في غوغل *

*(مثبت إحصائيا)

الأحد، 24 أكتوبر، 2010

انا وتينا في حمص لينا



من سكن بالقدس ولا يعرف "حمص لينا"؟ ذاك الصرح الغسترونومي الشهير في البلدة القديمة والذي يحج اليه محبي الحمص من كافة أرجاء المعمورة. ذاك الملاذ الأمين للمفلسين من الطلاب أمثالي الذين كانوا يحتالون على معدتهم طوال الاسبوع بمأكولات الجامعة التي لا طعم لها ولا رأئحة أو بما رخص ثمنه من الشطائر وأرغفة الفلافل التي يمكن استعمالها لصلابتها ككرات للعبة الطب طاب (او البينغ بونغ كما يسميها أشقاءنا الغربيين) فيأتي يوم الجمعة المنتظر ليجتمع الاصحاب ويمدون خطاهم المفعمة بالبهجة الى "لينا" حيث يكفي صحن حمص واحد يجلس في قاع المعدة كسكبة باطون مسلح تجعلك تكره الاكل الى يوم الأحد وتزيد حاجتك الى النوم وقلة الحركة وتصاب بحالة إنسطال طبيعي فتضرب عدة عصافير في صحن واحد.

وإذا كانت "تجربة" أكل الحمص سياحية لرواد "لينا" من الفرنجة يغلب عليها طابع الاستكشاف وإبداء الدهشة العارمة ازاء مهارة الشرقيين في قحف صحنهم ببعض اللقم فقط ومحاولة التغلب على الشعور بالاشمئزاز من فكرة ملامسة أطراف الأصابع ل"نسيج" هذه الأكلة, فإن أكل الحمص لدى "لينا" بالنسبة للصعاليك أمثالي كان مفعما بطقوس مثل الإرتخاء الكامل بعد الصحن ريثما يأتيك كوب الشاي بالنعناع وبينما تشعل سيجارة ببطء و"تشفط" أول نفس بنهم ومن ثم تفك زر البنطال وابتسامة بلهاء ترتسم على وجهك.

لكن وكما يقول المثل العربي الاصيل "طول عمرك يا زبيبة وبطيزك هالعودة". كانت المشكلة الجوهرية في الوصول الى لينا هي المعاكسات التي تعاني منها الزميلات من بعض شباب القدس مما جعلهن يتنازلن عن هذه المتعة في كثير من الاحيان, وجعلنا نفقد متعة اصطحابهن ومراقبة محاولات بعضهن اليائسة لتغميص الصحن بلباقة ودون توسيخ الأصابع. لكن شاء القدر ان تطلب مني فتاة نمساوية الأصل كنت قد تعرفت عليها جديدا ان أرافقها الى حمص لينا بعد ان سمعت الكثير عنه وشائت كما يبدو ان تمر بتجربة اوثنتيك (أصلية) تسردها ذات يوم لأحفادها وحفيداتها أمام موقد دافيء في ليلة شتاء باردة في فيينا. وافقت على عرضها ولم أخش ان أعاني الامرين من "تسميع الحكي", ذلك ان تينا لم تكن ذات حسن, لحسن الحظ, كما انها لن تفهم المعاني والإيحائات الرقيقة التي يتفوه بها اولئك الدواب, كابوس اي فتاة.

في اليوم والساعة المحددة وقف عبدكم الفقير على مشارف باب العامود يمد النظر باحثا عن النمساوية, بينما كان المكان يعج بالعامة والمركبات في عز الظهيرة, فكان ان رأيت سحابة من الغبار تقترب نحوي بسرعة وتبدو في وسطها راية زرقاء تتماوج فبدى لي انها مظاهرة عارمة ضد الاحتلال البغيض فقلت في نفسي "ها هي القدس تقوم من رمادها كالعنقاء" وهممت أن انشد "يا قدس إنا قادمون" لكني أمعنت النظر في الراية الزرقاء فبدأ هاجس مخيف يوسوس في صدري فأسكته, ثم أمعنت النظر مجددا لكني أحجمت إذ خيل لي أني أرى مشهدا تصطك له الاسنان وتشيب له الولدان ففركت عيناي لعدة لحظات كمن يحاول محو ما رأتهما ولم أتوقف إلا عندما سمعت كلمات أكدت لي فداحة موقفي.


"هاي....هل تأخرت عليك؟"

أول ما رأيت عندما فتحت عيني كان ولدا في الثامنة في عمره, خلته غليظ الملامح شريرا, يشير اليها وإلي ويضحك ملء شدقيه كالرداحات, ثم يمسك بطنه الصغيرة الشريرة ويقهقه, وحوله في وضعية مماثلة عشرات من الاجيال المقدسية الصاعدة والتي يعرف عنها ان لسانها اطول منها, منهم من يحمل شنطة المدرسة على ظهره ومنهم من يركب على دراجته وواحدة تجر اختها الصغيرة معها, كلهم ملتفون حولنا كأنهم يلعبون "فتحت الوردة...غمضت الوردة" وكنا انا وهي في قلب الوردة.


كانت تينا – الله يسهل عليها وعلى جميع أحبائنا في الداخل والخارج – أقول كانت تينا قد قررت
كما يبدو أن تصبغ شعرها القصير باللون الأزرق الفاقع لسبب ما لم أفطن ان أسألها عنه, مع إني والحق يقال لم أجد أي مناسبة تستحق مثل هذا الفعل الابداعي
وددت ان أرد سلامها بأحسن منه فقلت:

"واط ذا فاك تينا... هل صبغت شعرك باللون الازرق الميتال (المعدني)؟"
"Dah …obviously" (أي: ويحك ألا يبدو ذلك جليا؟)
"الله يوخدك ويوخدني معك...it looks nice on you .but you know …its not so acceptable here"
"don’t worry…they’re only some little kids"

نظرت الى الكواسر الصغار المحيطين بنا وأشفقت على نفسي من مسيرة الالام التاريخية التي تنتظرني لاني أكاد أجزم ان البلدة القديمة لم تشهد أمرأة ذات شعر أزرق تتسكع في أزقتها منذ أيام صلاح الدين وحتى أيامنا هذه ولكن كما يقول أولاد عمنا "دائما هناك مرة اولى". ترائت لي صفحات الجرائد وعناوينها الصارخة "القدس تقول لا للشعر الازرق" أو "حماة الاقصى يتصدون لمحاولة المساس بمقدسات الامة" فقلت في محاولة أخيرة لمنع الضرر "هناك مطعم لطيف قريب من هنا يمكن ان نذهب اليه بدل ان نمشي كل هذه الطريق في هذا الجو البارد".
"no I want to go to homos Lina"

ايتها المجنونة لقد كشفت لهم جهتنا المقصودة وبالفعل بدأ العفاريت الصغار في تناقل المعلومة بينهم وتدارس كيفية أحكام قبضتهم حولنا, فبدا لي أن افضل ما أفعله هو التحرك السريع لإفشال خططهم, فأمسكت زرقاء اليمامة من ساعدها و"شحطتها" بسرعة نحو الدرجات المؤدية لمدخل باب العامود وبالفعل باغتت خطوتي هذه غالبية الصغار الذين يفتقرون الى دهاء الكبار وحنكتهم فتراجعوا عن ملاحقتنا ما عدا زمرة من المثابرين الذين عرفوا بفطرتهم ان هذه الفرصة لن تسنح كل يوم فاسرعو الخطى ورائنا ولسوء الحظ كان المدخل مزدحما ففقدت القدرة على المناورة وأسلمت أمري للقضاء والقدر ريثما لحق بي الموكب وبدأ في مراسيم الزفة مجددا وبإصرار أكبر هذه المرة نظرا لحنقهم إزاء محاولتي حرمانهم من هذه التجربة التعليمية الممتعة التي سيكون من شارك/ت فيها بدون شك محط اهتمام أقرانه/قريناته في الصفوف الابتدائية غدا.

وقد تفنن أولاد/بنات الابالسة في السخرية منها ومن مرافقها وابتداع أقذع الشتائم والايحاءات الجنسية التي وددت لو أكتبها في دفتر ملاحظاتي لقوة سبكها وجزالة لفظها وغزارة وصفها فتارة يتساءل أحد الصبيان عما إذا كان اللون "يحل عندما تعرق" وطورا يستوضح اخر عما أذا كان "كمان شعرها تحت بنفس اللون؟" فتجاهلت كل ذلك منتحلا شخصية أجنبي لا يفهم العربية عملا بنصائح المناهج التي قرأتها في موضوعة النيو ايج حول قوة "الاقناع الذاتي" فكدت ان اقتنع بان أسمي هانس وأن زالتسبورغ هي مسقط رأسي تحديدا وإني محاط بجمع من ال locals الى أن انتبهت ان أحدى الصغيرات كانت تشد جانب بنطالي فقربت رأسي منها فسألتني" "عمو ليش هاي الهبلة ملونة رأسها؟"
"عمو أكيد ماما عم بتدور عليكي حبيبتي...ليش مش مروحة"
نظرت الي نظرة ازدراء وقالت بقرف واضح "بدي أتفرج زيي زي غيري ولا يعني علشاني بنت" فأكدت لها انها محقة في موقفها لان المساواة قيمة عليا ويجب ان تكون على طول الخط, وطول الطريق الى حمص لينا.

لكن ولانشغال الناس بأمورهم والبياعين ببسطاتهم, لم تحظى التظاهرة التي احدثها شعر تينا بالمد الشعبي المرجو فتفرق المتظاهرون وعادوا الى قواعدهم سالمين وبقينا أنا وتينا واقفين على مشارف بوابة باب العامود "نسبح في الوغى" بين الجمع والأجساد ملتحمة فلا تدري يد من تداعب مؤخرتك واين يكمن رأس الاخ المتكيء على كتفك لكنني لم أتذمر وكيف أفعل وانا من مشجعي ظاهرة الالتحام العضوي المفقودة في بلادنا. اما تينا فكانت سعيدة لسبب ما وكانت تنظر الي ممتنة بين الفينة والاخرى لسبب ما لم أعرفه. بقينا على هذه الحال, نتدافع بين الحشود, الى ان لاحت الفرصة للتسرب من فتحة جانبية بعد عدة امتار من البوبة تفضي الى ساحة صغيرة, فاقتنصناها.

وهكذا ولأول مرة في التاريخ دخلت فتاة زرقاء الشعر الى القدس القديمة من أوسع أبوابها.

• * *

كنت أنظر الى تينا مشدوها وهي منكبة على تنظيف صحن "الحمص مع صنوبر" الثاني الذي فتكت بمحتوياته خلال بضع دقائق بينما كانت تشير بإبهامها الى أعلى بين الفينة والأخرى
"اوه ه ه .....فانتاستك"
" واضح انك احببت الحمص"
"وكيف لا أحبه...فهو خفيف على المعدة”
فككت زر البنطال واسندت ظهري الى الخلف, ثم أشعلت سيجارة ونفخت دخانها بإتجاه سقف المطعم ريثما تنتهي تينا من صحنها, وبدأت أشعر بالغيظ ازاء هذا الزحف الإستشراقي الذي لم يبقي على شيء من شره, ولا حتى الحمص
.

الجمعة، 27 أغسطس، 2010

بس يمسح بالبرداية؟!!!!...حول ما حدث في قاعة البروتستانت

نبدأ هاي التدوينة اللعينة بنكتة سافلة...يعني من الزنار وتحت لأنه بصراحة وبترجمة حرة عن المثل الأنجليزي " المواقف المتطرفة تحتاج الى خطوات متطرفة" وبعدين كل النكت الي بعرفها من الزنار وتحت, ناهيك (حلوة هاي ناهيك) انو النكتة بتضحك...وإذا برأيك بتضحكش....ما تكمل/ي القراءة

هادا يا إخوان أبو إبراهيم بخبط بنصاص الليالي عا باب دار أبو غسان....إجا ابو غسان فتحلو الباب وشافو هايج فسألو : مالك أبو ابراهيم
أبو ابراهيم: مالي؟ بدكوش تضبو ابنكو عاد؟
أبو غسان: ليش شو عامل غسان؟
ابو ابراهيم: والله وألف يمين إنو لولا ابنك كان بكون الي معو حكي تاني
ابو غسان: طب فهمني بس شو عامل؟
ابو ابراهيم: هادا يا سيدي ابنك المحروس اجا عنا البيت....وقعد مع بنتي منى يدرسوا...هو ما كان عارف اني مراقبو
ابو غسان: طيب شو فيها؟
ابو ابراهيم: هلا بقلك شو فيها...هاددا ابنك بعد شوي صار يمد ايدو على بنتي ويحسمس عليها....قلت ماشي...الولد مراهق وأبن صاحبنا أبو غسان...محكيتش...
ابو غسان: لاه...لاه ...الحيوان
ابو ابراهيم: ويا ريت وقفت على هون....بعد شوي ما بشوف الا شلحها الصدرية...قلنا ماشي .....كرمال عينين ابو غسان منسكت....
أبو غسان: والله لأربيه هالكلب
أبو ابراهيم: شوي...وشلحها البنطلون ....سكتنا وقلنا معلش...شوي شلحها كل شي...مرقناها....وما شفت والا هو منيمها وطابق فيها....
أبو غسان: مش عارف شو أقلك يابو ابراهيم
أبو ابراهيم: ومرقتها كرمالك بابو غسان....وحتى لما قام عنها بعد ما عمل عملته...سكتت وما كنتش ناوي أحكي...بس يابو غسان...يابو غسان....بترضى ...بحياة عينيك بترضى...يمسح قضيبه بالبرداية؟

وهيك بالزبط.....الي اليوم بنعوصوا زي الكلاب الي مشتية عليها الدنيا وبقولو: ضاعت الديمقراطية الفلسطينية...انتهكوا حق التعبير...كل هدول

سكتوا لما الأمن الفلسطيني أعتقل وعذب وقتل معارضين بس مش من اليسار العلماني والليبرالي وانما من أحزاب إسلامية

وسكتوا لما تم تجاهل قرارات قضائية بالإفراج عن معتقلين سياسيين

وسكتوا عن كل الممارسات المرفوضة وطنيا واخلاقيا مثل التنسيق الأمني

وسكتوا لما تم تجاوز الخيار الديمقراطي الفلسطيني مع رفضي الشديد والقاطع لمجمل خط حماس وأي خط سياسي ديني

سكتوا لما غزة انضربت ولما السلاح الفلسطيني وجه ضد متظاهرين في بعض مناطق الضفة

سكتوا لما رام الله ومدن الضفة تحولت لثكن عسكرية كل 3-5 متر فيها بتلاقي جندي فلسطيني مسلح بكلاشينكوف بحجة حفظ النظام

وسكتوا عن كل تجاوزات الأمن ضد استقلالية القضاء الفلسطيني وضد وضد وضد

وسكتوا وسكتوا وسكتوا وسكتوا

وضلوا يحكوا عن ضرورة الحفاظ على الديمقراطية الفلسطينية

والآن فاقوا واكتشفوا...بعد أن افشلت قوات الأمن مؤتمرا للتعبير عن رفض المفاوضات المباشرة في قاعة البروتستانت ....اكتشفوا انو "لا يوجد ديمقراطية فلسطينية"

والأحلى انهم بناشدو القيادة تعاقب المسئولين عن "هذا التجاوز الصارخ"

هذا مثال حي عن الإيمان بالخيار الديمقراطي

ايمان أعمى – ايمان لا يتزحزح

ايمان غيبي....لا يستدعي وجود الديمقراطية ليستمر بل يمكن ان يتعايش مع عكسها ...يناور معها على الهامش المسموح الذي يأخذ في الضيق والاتساع وفقا لأحتياجات المرحلة

هؤلاء يقولون للقيادة الفلسطينية: المهم أن تدعني أعبر عن رأيي كيساري معارض وبين الفينة والأخرى أكتب نصا غاضبا ثم أرسله الى منتدى أو جريدة الكترونية (طبعا جرائد يومية منتشرة خارج اللعبة) وبذلك نستطيع ان نلعب في الهامش المسموح الذي يميزنا عن أنظمة عربية قمعية.....

أما أن تمنعني أن اعمل مؤتمرا أقول فيه كلمتين وأمشي...فهذا غير مقبول أبدأ

غير معقول أبدا

شو....هي البرداية
سايبة؟

الخميس، 12 أغسطس، 2010

and it seems such a waste of time


Anthony works in the grocery store

Savin' his pennies for someday
Mama leone left a note on the door,
She said,
"sonny, move out to the country."
Workin' too hard can give me
A heart attack
You oughta know by now
Who needs a house out in hackensack?
Is that what you get with your money?

Chorus
It seems such a waste of time
If that's what it's all about
If that's movin' up then i'm movin' out.

Sergeant o'leary is walkin' the beat
At night he becomes a bartender
He works at mister cacciatore's down
On sullivan street
Across from the medical center
He's tradin' in his chevy for a cadillac
You oughta know by now
If he can't drive
With a broken back
At least he can polish the fenders

Chorus

You should never argue with a crazy mind
You oughta know by now
You can pay uncle sam with overtime
Is that all you get for your money?

السبت، 24 يوليو، 2010

الرجال في اليوم العاشر



اليوم الأول:

المرأة: شو رأيك في الموضوع س؟

الرجل: مش عارف, ليش عم تسألي؟

المرأة: مجرد سؤال


اليوم الثاني:


المرأة: شو رأيك في الموضوع س؟

الرجل: هممم....ما عندي رأي ...المعلومات اللازمة مش متوفرة

المرأة: بتفكرش إنو س صح ومنطقي؟

الرجل: المزبوط ما فكرت بالإشي. ليش يعني؟

المرأة: بس بدي أعرف رأيك بالموضوع...بس

اليوم الثالث:

المرأة: شو رأيك في الموضوع س, بتفكرش أنو منطقي وصح؟

الرجل: قلتلك أنا با بفهمش بهالشغلات..بس ليش مهتمة بالموضوع؟

المرأة: هيك مجرد.

الرجل (بينه وبين نفسه): هيك مجرد قلتيلي...يا ساتر.

المرأة: قلت شي؟

اليوم الرابع:

المرأة: إفرض إنو كان س صح. مش من المفروض نعمل ص؟

الرجل: يا بنت الناس. قوليلي شو اللي بدك ياه....هيك بصراحة

المرأة: صارلي فترة بفكر انو لازم نعمل ص...

الرجل: بس ما انتي عارفة انو ص مش أكيد الإختيار الصح

المرأة: يعني انت بتفكر أنو غلط؟

الرجل: يمكن غلط ويمكن صح...مش أكيد إنو صح

المرأة: (بحنق) طب ليش مقلتش إنو غلط من الأول؟

الرجل: ......

اليوم الخامس:

المرأة: شو؟ فكرت بالموضوع؟

الرجل: أنو موضوع؟

المرأة: أنو موضوع؟!!! طب بلاش بلاش

الرجل: يا عمي انو موضوع بس؟

اليوم السادس:

الرجل: أنا تذكرت أنو موضوع....خلينا نتناقش فيه

المرأة: ........

الرجل: مفيش حاجة للزعل....بنتناقش وإذا لاقينا س صح ومنطقي بنعمل ص

المرأة: ...........

الرجل: شو...بدكيش نبحث بالموضوع؟

المرأة: أنو موضوع....!!

اليوم السابع:


الرجل: إذا انت مقتنعة ب س/ ص ...اوكي ماشي...قلتلك انا بفهمش بهالشغلات

المرأة: يعني زي دائما...أنا لازم أقرر لحالي واتحمل مسئولية...

الرجل: مش هيك بس أنا بعرفش وبفهمش بهالشغلات...يعني بثق في قرارك بهالشغلات

المرأة: هادا مش قراري لحالي....شو معندكش رأي


اليوم الثامن:


الرجل: رحت وفحصت واستفسرت....في كتير شغلات في س منطقية بس فيه شوية تخوفات عندي...يعني مثلا قديش رح يكون في ضمان أنو ص رح يؤدي ل س...ويمكن في طريق ل س أقصر من ص ...ف لازم نقعد ونحكي ....

المرأة: أصلا انا عملت كمان استفسارات والناس الي عن جد جربت وبتعرف قالتلي انو ص أحسن طريقة

الرجل: ممتاز....يعني أنت مقتنعة بقرارك....معناتو خلص منعمل ص علشان نوصل ل س (يبتسم)
المرأة: يعتي ما عندك رأي؟

الرجل: (بحنق) المزبوط عندي...وصرلي بعوي 7 أيام انو بديش س ولا ص بس انت مش عم تسمعي

المرأة: ........


اليوم التاسع:

الرجل: يلا....متى رح نعمل ص؟

المرأة: لا بدي أعمل ص ولا ض.....


اليوم العاشر:

الرجل: أنا فكرت بالموضوع كثير كثير وقلبتها في كل الإتجاهات....واستشرت الناس الي عندهم خبرة بالموضوع وكلهم أكدولي إنو س منطقي وصح. علشان هيك لازم نعمل ص. (يبتسم)

المرأة: متأكد؟ مش تحس حالك مجبور!!!!


* * *

ملاحظة: بمزح أنا.....اوكي يا بيبي؟!!

الأحد، 18 يوليو، 2010

رباعيات زفت: الناكح والمنكوح


ما بين جلسة صفوة على السطوح
وما بين غفوة ساعة العصر تيجي وتروح
باغتني سؤال جاي من بعيد بيلوح:
صاحبي
مين فينا ناكح ومين منكوح؟

مين فينا معاه حق ومين غلطان
مين يحكي كلام موزون ومين سكران
هل كلامي حق أم وسوسة شيطان
مهما نقول يبقى سؤال مفتوح
مين فينا الناكح ومين منكوح؟

الحق قاعد ما بين ايديك مرتاح
ما دام كفك قابضة على فردة سلاح
بكرا يقلب دولاب والسلاح حيروح
وتلاقي دمك عالبلاط مسفوح
ترى
مين فينا الناكح ومين منكوح

قاعد كل ايامك تعد المال
وغيرك يشكي أيامو وفقر الحال
يقولو:
غني مات وماخدش معاه حاجة
اقول:
فقير مات, يعني خد معاه حاجات؟
هيهات

غني يصرف فلوس تيجيه فلوس
وعجوز بقوة قرش يشتري عروس
وفقير ملوش غير انو يقول
" المنحوس منحوس ولو حطو بطيزه فانوس"

قطر ماشي وانا وانت م الركاب
تيجي محطة ينزل احد الحباب
ترى ماشي القطر وليه سواق؟
والمحطة الجاية؟ جنة ولا عذاب؟

فيلسوف بيقول هي الحياة سهلة
"العبرة مش بوصول العبرة بالرحلة"
ارفع عينيك من تحت وبص بالمنظر
أرد وأرفع عينيا: ألاقي المنظر اتغير

صغير مبيفهمش من الحياة حاجة
وكبير مش لاقي معنى بأي حاجة
(لسه) سؤال مفتوح رغم الفلسفة والدين
يا ترى: ايه النفس محتاجة؟

تربي ابنك عالخير دادي دادي
"الدنيا ابيض واسود, ودي حكمة الهادي "
يكبر ابنك وتعلمه الأيام
اهم لون في الدنيا, الرمادي

عدوك بنى حواليك جدار عازل
وصاحبك على حاله وقت الشدة يتخاذل
واخوك في لحمك عامل زي منشار
طالع واكل, نازل برضه واكل

يسألنا سائل,إمتى حنطرق الخزان
ودولتنا العظيمة, امتى مصيرها تبان
قبل ما مكنش عندنا سلطة, كان عندنا إنسان
غريب الزمان ده, شفت يا غسان؟؟

وزارات وسفراء وشغل منظرة
وكل سنة ترجعونا ميت سنة لورا
كفاية أوهام كفاية مفاوضات كفاية مسخرة
أصل سلام الشجعان طلعتلو ريحة ال*را

ده يسرق بلادي ويسميها ارض الميعاد
وده يقتل وينقتل لزوم فرض الجهاد
وده يهدي بغداد صواريخه هدية عيد الميلاد
كل ده باسمك يا عالي يا رب العباد

نيرون حرق روما وقعد بيتفرج
مصيره راسه في ساحتها يتدحرج
يا حارق بلاد الخلق ليك هنا عبرة
روما مش بس بلد, روما كمان فكرة

راح السؤال من بعيد يلوحلي
شديت بكعبه وترجيتو يشرحلي
شفق عليا وجاوبني: يا انسان
مش فارقة مين معاه حق ومين غلطان
كله يموت
ويبقى وليمة للديدان

الخميس، 15 يوليو، 2010

أنا: ما سأذكره من المونديال الأخير انني لم أعد أهتم لما كان يجعلني أحلم في الماضي

أنا: لماذا؟

أنا: المدونة ليست المكان المناسب ...ألا تظن أنه يجب علينا أن نبحث الأمر على انفراد

أنا: بلى ...لناتقي اليوم في مكان ما ونتحدث قليلا

أنا: ممتاز...شكرا على الاصغاء

السبت، 19 يونيو، 2010

الخميس، 10 يونيو، 2010

إمتحن نفسك: أي الفلسطينيين أنت؟



إن اختيارات الإنسان هي التي تصنعه وكما قال الفيلسوف الألماني غيته "إن بدك تحيره, خيره". لذا فإن الإمتحان التالي, على بساطته يمكن أن يعلمك الكثير عن نفسك, عن هويتك, وعن توجهاتك. بعد الإجابة على السؤال التالي ستقوم بفحص العلامة التي حصلت عليها حسب جدول العلامات في أسفل الصفحة ووفقا لهذه العلامة يمكنك قراءة "تحليل الشخصية" الذي قامت بصياغته مجموعة من الخبراء النفسيين والأمنيين.

يبدو واضحا أن ________________ قد قطعت ________________ عن سابق الإصرار والترصد.

إختر إحدى الإمكانيات التالية:
1. فكرة القومية العربية, مرحلة السذاجة.
2. لورنا بوبيت, عضو زوجها.
3. شركة الكهرباء, التيار.
4. الأنظمة العربية, أوصال الشعوب.
5. الأمة العربية, عهدا مع التخلف.
6. السلطة الفلسطينية, الكعكة.

مقاومة الإحتلال:
1. حق تكفله المواثيق الدولية.
2. واجب أخلاقي قبل كل شيء.
3. فعل صبياني ساذج.
4. مكلفة الثمن.
5. تكون بالمفاوضات السلمية فقط.
6. حق تقمعه السلطة الفلسطينية.

النظام القانوني الفلسطيني:
1. هو نظام تقدمي مقارنة بأنظمة أخرى.
2. يحتاج الى التطوير.
3. عادل, نزيه, حديث.
4. يتقدم الى الامام بخطى عملاقة.
5. هو مهزلة.
6. فاسد كما هو النظام السياسي الفلسطيني.


صائب عريقات هو:
1. شخصية قيادية في السلطة.
2. مفاوض بارع لكن سيء الحظ.
3. مثال على تعامل الرجل مع زوجته.
4. احد المسئولين عن الوضع الفلسطيني البائس.
5. كاتب من الدرجة الخامسة.
6. **ن **ة و ***ن *****ة.

____ السؤال 1 *** السؤال 2 *** السؤال3 *** السؤال 4
إجابة 1 _2 نقاط *** 4 نقاط *** 1 نقاط *** 2 نقاط
إجابة 2 _1 نقاط *** 5 نقاط *** 3 نقاط *** 2 نقاط
إجابة 3 _ 3 نقاط*** 1 نقاط*** 1 نقاط *** 1 نقاط
إجابة 4 _ 5 نقاط *** 2 نقاط *** 2 نقاط *** 5 نقاط
إجابة 5_ 7 نقاط ***1 نقاط *** 5 نقاط *** 4 نقاط

إذا كانت علامتك من 4 – 8: أنت شخص عقلاني, منطقي, ويحترم القانون. تعرف مقدار نفسك وان الحياة ليست شعارات وحكي فاضي. انت مواطن مثالي ويا ليت كل الناس مثلك.
إذا كانت علامتك من 8 – 12: يبدو أن الأساليب القذرة والحرب النفسية بدأت تؤثر فيك وأنت الان على حافة الإنزلاق. إحذر, فإن في هذه البلد نظام وقانون لن نسمح لأحد بالمساس بهما.
إذا كانت علامتك من 12-16: نالت منك العمالة والخيانة ما نالت. ننصحك بمراجعة نفسك وقد أعذر من أنذر.
إذا كانت علامتك فوق 16: سنخبرك برأينا يشكل شخصي في القريب العاجل.

إذا قمت باختيار الإجابة 6 على أي من الأسئلة أعلاه عليك بالإتصال بالرقم التالي للحصول على أجوبة شافية بخصوص علامتك.
100
007-m-u-k-h-a-b-a-r-a-t
أترك
إسمك وعنوانك وسنعود إليك.

السبت، 5 يونيو، 2010

تحية

طول عمري إنسان سلبي...
بشوف السواد في كباية السحلب
الرومانسيات عادة بتعملي حالة من الإشمقراف (اشمئزاز + قرف)
كل مهرجان خطابي بلاقي تفاصيله كوميدية أكثر من أي شيء اخر
كل النوايا سيئة في نظري حتى يثبت العكس
كل قيادتنا وبالأخص الي ببالي بتسواش فلس
بس....
لما شخص أو أشخاص بدفعو ثمن شخصي غالي مقابل موقف
خاصة لما مش مضطرين وانما عن اختيار وبسبب مبدأ أخلاقي
ضد كل الإعتبارات الشخصية والبراغماتية
وضد منطق الربح والخسارة الي بحكم حياتنا
مثل كل من شارك بأسطول الحرية
الشيء الوحيد الصحيح
انو تبعث تحية من القلب
تحية احترام صادق
بس


ملاحظة:

الله يهدك يلي ببالي

ملاحظة 2:

رجلك يا حنين بأبرك وأطيب واحد فيهم

ملاحظة 3:

ثبت انو الحياة مش دايما مفاوضات...سامع يا أ** ال**ة و**ين ***وطة

الاثنين، 10 مايو، 2010

كالأيتام على موائد الهبلان




حلوة هاي التواصل الفلسطيني العربي....وحلوة هاي يطلعلو وفد يمثل (برضو حلوة هاي يمثل) فلسطينيي ال 48....طبعا أغلبهم بمثلوش ولا حدا كون أغلب الشخصيات الي طلعت ملهاش ولا صفة تمثيلية ولا اعتبارية ...مثلا مثلا: المحامي جواد بولص....محامي خاص أياديه "البيضاء" بعدها معلمة على وجوه كثير أسرى فلسطينيين... في كمان من باب التنويع ممثلين عن عائلة الجاروشي علشان نعكس المجتمع الفلسطيني في اسرائيل يشتى طبقاته الفوقى والتحتى ...وفي مليان أسامي لا أنا ولا انتو سامعين فيها


وفد من 40 شخصية...يا صلاة النبي....ليش 40؟ الله أعلم....ليش كل النواب العرب من كل الأحزاب العربية مش نائب عن كل حزب؟...برضو مش معروف...ليش سكرتير الحزب يطلع مثلا؟ طب بلاش ليش رئيس بلدية أو مجلس محلي يطلع؟ ليكون طالعين تشحدو يا أخوات الهيك والهيك...هذا علشان الاستاد بسخنين وهداك عشان مشروع بالناصرة؟


يمكن انا فاهم وفد تمثيلي غلط...يمكن الجماعة طالعين كفرقة تمثيل مثلا..بدهم يتحفوا ليبيا بمسرحية سياسية عن الوضع هون...مسرحية "خادم عشرين سيد" مش "خادم سيدين"...بس مظلموش حدا ربنا الله...كله فات...من شتى التيارات والأحزاب...أو عا قولة ستي الله يرحمها "من كل قرية خرية" مع أعتذارنا لقرانا الحبيبة.


ع أنو اساس طلعو هدول؟....شو دحشهم هدول بالقصة؟.....ع أساس فلان صاحب علنتان ف بشحطو معو....وهداك معدود على هدول وهدولاك معدودين ع هدوليك وهديك (يا حرام طالعة لحالها مع كمشة الذكور) معدودة عالحزب...

طبعا في نواب الكنيست وأعضاء لجنة المتابعة الي عندهم صفة تمثيلية وهم بحد ذاتهم تمثيلية.... وطبعا في نواب سابقين صيتهم السيء بسبقهم...وفي وفي وفي

حملو حالهم هدول في يوم مشمس وطلعو...باسمنا...هذا الشعب المنكوب ....عا ليبيا .....عند الأخ القائد الرمز العقيد ملك ملوك افريقيا....النابغة صاحب الكتاب الأخضر....رئيس الجماهيرية الشعبية الليبية المتحدة....معمر القذافي

ابو الكتاب الأخضر الي في أي دولة أخرى كان بكون مكسيموم مكسيموم (بدناش نهين أي مهنة شريفة او مش شريفة) زر أو كبسة أو شرشف...استقبل الوفد احلى استقبال....وبعدين وقف مفخرة شعبنا دون منازع...الدكتور أحمد الطيبي...وفي خطبة عصماء طلع لسانو ودحشو عميقا عميقا في طيز الأخ القائد الرمز.


ولحديت اليوم عم بطولو لسانو للطيبي من هناك....

طلعو يمثلونا نواب الكنيست الي وجودهم أو عدمو واحد في البرلمان الاسرائيلي.....
نواب الكنيست الي مش قادرين يتفقو على قائمة موحدة...
نواب الكنيست الي بكرهو بعض عالمسبحة ومستعدين يحطو ايدهم في ايدين الشيطان علشان يخربو على بعض...أو عالقليلة على النضيف
نواب الكنيست زي الطيبي وبركة الي بفشلو كل سنة أي مبادرة لبرلمان عربي فلسطيني داخل إسرائيل....

طلعو يمثلونا رؤساء بلديات ومجالس محلية وصلوا عا هل مناصب عن طريق الحمولة والطائفية والي ادائهم في مناصبهم أقل مي يقال عنه مخزي....

طلعو يمثلونا "قيادات" حزبية ما خلتش فضاء إعلامي أو ثقافي أو حتى خارجي إلا وحشته حشيا بمصطلحات مثل الديمقراطية, الحريات, بناء الإنسان, رفض الديكتاتورية الخ....بس أول ما أجت دعوة من داعية التنوير والديمقراطية القذافي....دغري حضرو الشناطي وتداحشو علشان يحظو بهذا الشرف....

طلعو يمثلونا اعلاميين عرب زي صاحب موقع بانوراما وبانيت اللي بستحوش يحطو في جرايدهم إعلانات لمؤسسات اسرائيلية عن مكافئات مادية ضخمة لمي يكشف عن مصير جنود اسرائيليين مفقودين...

بدي أقولكو شغلة....هدول بمثلونيش...أغلب السنة بمثلو علي...

شغلة نونو....قبل ما أتواصل مع معمر القذافي والشعب الليبي مش أحسن أنواصل مع شعبي أنا في الضفة وغزة والشتات والمخيمات....ولا لا يا بركة؟

وكمان شغلة نونو...انتو بتمثلونيش...انتو بتمثلو كل شي عاطل فينا

الثلاثاء، 27 أبريل، 2010

معلقة "بلا ورق" أو عندما حضرت الميوزة في غير وقت العوزة



لا أحد يملك أن يفرض على الميوزة (muse) * أو إلهة الإلهام أن تأتيه في موعد محدد ومريح لحضرة جنابه, ولذا درج بعض المبدعين وبالأخص من الشعراء والكتاب الذين يعانون – كلهم وبلا استثناء – من عقدة الورقة البيضاء (وهنا ومن باب الإطالة دون طائل أو جدوى نذكر ان الكثيرين منهم يشبهون ما بين وضعية الوقوف أمام ورقة بيضاء بوضعية بتول على شفى تجربته الجنسية الأولى) أقول درج بعضهم على حمل دفتر خواطر صغير ينغصون عالمنا الثقافي بمحتوياته فيما بعد في الجرائد والمواقع الخ الخ, تجنبا لضياع "ومضة" من الإبداع.

والمبدع لا يدفع عنه إلهة الإلهام ولو أتته وهو يقضي حاجته في الحمام, وعليه أن يتلقف الفرصة بكلتا يديه فورا و"يقبض على النص" ذهنيا لكيلا تغضب الميوزة فلا تعود تأتيه في وقت العوزة, ولزاما عليه ان يعطي الأولوية والأفضلية لحضورها وذلك عملا بالعرف السائد "لا قيني ولا تغديني", فيترك ما بين يديه فورا, ويترجم الإلهام الى نص شعري/نص أدبي/ تمثال/ إنجاز علمي/ اتفاقيات سلام مرحلية, كل حسب قدراته وتوجهاته.

وقد أوردت كل ما سلف لأفسر للقارئ العزيز والذهب الإبريز لماذا – وحق صلعة الدكتور النائب "الظل"** أحمد الطيبي – كتبت هذا النص في الساعة الثالثة ما قبل الفجر والناس نيام *** رغم انني قمت في الأصل لولوج الحمام, وذلك لأسباب أنسانية بحتة humanitarian reasons تكفلها كافة اللوائح والأعراف الدولية. في لحظة حاسمة اكتشفت انه ليس هناك ورق مخصص لهذه الأغراض الإنسانية في الحمام وفورا دق ناقوس الخطر وتزامن ذلك مع حضور الميوزة فكان مطلع القصيدة "بلا ورق". انساب الإبداع بعد تلك اللحظة وهكذا كتبت النص الشعري الذي في اعتقادي وبكامل التواضع أعتبره قمة عطائي الأدبي والعضوي معا الى هذه اللحظة, مما يضعني – مرة أخرى بمنتهى التواضع – في خانة المثقفين العضويين.

وبعد هذه المقدمة التي أراها مهمة لتوثيق الظروف التي أدت الى ابتداع هذا النص التاريخي, وبعد كثير من التردد **** هاأنذا أطرحه أمامكم مع بعض الملاحظات التوضيحية:


بلا ورق بلا ورق بلا ورق
أمر يدعو للقلق
نظر العشيق الى القاع
فاختنق

"يبدأ الشاعر هنا كما هو متبع في المعلقات بوصف محيطه المباشر والوقوف على الأطلال"


رائحة رائحة رائحة
ماذا أكلت البارحة؟
"هذه ملاحظة جارحة"
كل اناء ينضح بما فيه
وخلي اللي فيه مكفيه

"هنا يبدأ التصعيد والأزمة المفتعلة"


خطر خطر خطر
لا تقفز في الماء
لأن البحر انشطر
وموسى لم يعد مجازا
بل جلس على خازوق عصاته
كقبطان قنط وانتحر

"هنا يوظف الشاعر حدثا تاريخيا لخدمة بيت القصيد"

ماء ماء ماء
"يروي ظمأ الأحياء"
يسألني طفل فضول
ما معنى الأشياء
وينادي: بابا فين؟
فأشير بإصبعي الى هيفاء
الى صدرها تحديدا

"هنا يحاور الشاعر الأسئلة الفلسفية الكبرى التي تواجه الإنسانية ويدلي بدلوه"

تراب تراب تراب
إن تمشي وراء الغراب
حتما سيقودك للخراب ******
فامشي ان استطعت الهوينى
كما يمشي الوجي الوحل

"هنا يورد الشاعر حكمة ترانسنتندالية (غيبية*******)"


أسد أسد أسد
فقط تكملة عدد
هلك هلك هلك
صرعته انفلونزا السمك

"يجب توجيه السؤال للميوزة بخصوص هذه الأبيات "


وطن وطن وطن
ليس له ثمن
ليس له ثمن؟
في مملكة فلسطين
هناك شيء عفن

جمل جمل جمل
قل لي ما العمل
بمن سرق الجمل
بكل ما حمل

"معلومات عامة وآراء شخصية لا تعبر بالضرورة عن رأي صاحبها"


بلا ورق بلا ورق بلا ورق
تبا لهذا الأرق

__________________________

* لا علاقة قرابة مع المزة المصرية.
** راجع تعريف الظل في رواية "حب في منطقة الظل".
*** من باب مراعاة الدقة العلمية وجب القول "والناس نيام في منتصف القارة الذي أقع ضمنه" أو "والناس نيام في خط طول كذا وخط عرض كذا", والله أعلم.
**** غمزة عين.
***** مما يدل على ان هذا النص هو نص 5 نجوم.
****** حقيقة علمية.
******* غيبية وفي العادة غبية.

الاثنين، 26 أبريل، 2010

حكمة الأسبوع




اللي بدو الدح مبيقولش أح

الثلاثاء، 6 أبريل، 2010

أكسيوما



أكسيوما 1
هي: لازم نحكي
زفت: نحكي؟
هي: اه نحكي
زفت: مهينا عم نحكي
هي: لا...قصدي نحكي نحكي مش هيك
زفت: مش فاهم شو يعني نحكي نحكي هاي
هي: لا فاهم منيح...كل مرة بقولك نحكي بتتهرب...وانا مش قادرة بعد مأحكيش
زفت: ولو هالقد متضايقة؟ طب ليش مش حاكية..ليش مخبية...شو مضايقك؟
هي: فيش اشي مضايقني يا زلمة....اوففف. ..شو مشكلتك انو نحكي بس...بدي أحس انو منحكي
زفت: يا عمي ليش احنا شو منعمل غير انو منحكي...عم منكتشف الراديوم يعني؟
هي: لا بس هادا بنعدش انو منحكي...لازم نقعد علشان نحكي...مش نحكي هيك مجرد لاننا قاعدين
زفت: حزرية هاي؟ طب عا شو بدك نحكي لما نقعد نحكي؟
هي: عالعلاقة
زفت: العلاقة؟ العلاقة بين ايش وايش
هي: العلاقة يا بني ادم
زفت: انو علاقة؟ العلاقة السببية...العلاقة الطردية...
هي: العلاقة الي بيننا
زفت: شو كاينة معاهدة فيينا علشان تسميلي ياها "العلاقة"
هي: لازم تحول كل شي لمسخرة؟َََ!!! ما علينا...ايمتى بدك نحكي؟
زفت: طب ما نحكي هلأ
هي: بنفعش....لازم أحضر حالي
زفت: أحلى...شو تحضري حالك هاي؟
هي: لازم أحضر شو احكي
زفت: لتكوني بدك تعمليلي عرض تحليلي عال POWER POINT كمان
هي: يلا قولي ايمتى فاضي...ومتغيرش الموعد بعد ما نتفق
زفت: لحظة أفحص أجندتي
هي: طيب إفحص.... مالك واقف؟
زفت: كنت أمزح...بكرا منيح؟
هي: أنا فاضية كل الاسبوع
زفت: أحلى
هي: خلص بكرا...الساعة 8 منيح؟
زفت: منيح...بقدر ألبس سبورت الجنت ولا رسمي بس؟
هي: هاه هاه...بايخ
زفت: بدنا نسجل محضر كمان...؟
هي: مالك ضارب بوز؟ مش ضرورة تعمل منها دراما يعني
زفت: مش دراما....بس احنا منحبش الحكي عن العلاقة...منحب العلاقة....زي ما فال توفيق الحكيم: "الي حياته سعيدة بعيشها مش بكتب عنها"
هي: مهو الحكي عن العلاقة هو جزء من العلاقة
زفت: مين قال؟
هي: هاي أكسيوما


_______________________________________

أكسيوما 2

هي: انتو بتشوفو بالانثى فقط غرض جنسي sex object
زفت: خليني اثبتلك انو العكس هو الصحيح
هي: يا سلام...خليني اشوف
زفت: بس خليكي مفتوحة الافاق....
هي: ليش يعني انا دائما مغلقة الافاق؟!!!
زفت: ايهييي علينا....بدك ادحض ادعائك ولا مش مسترجية تعرفي الحقيقة؟
هي: أنا بخافش منك ولا من أي زلمة
زفت: يا عمي ليش انتي هيك هجومية ومستنفرة استنفار غير شكل...عاملك شي انا؟...قبل 3 دقايق تعرفت عليكي وصرتي خابطيتني 3 -4 فرضيات عن همجية الذكر وانو بفكر بس من تحت
هي: هاي أكسيوما axiom
زفت: وما هي ال أكسيوما بالله عليكي؟
هي: "بديهية"
زفت: جميل....خلينا نفحص هاي الأكسيوما على الطريقة السقراطية..
هي: مش غلط...يعني بدك تعملي استجواب فلسفي
زفت: أيوه
هي: وبدك تهريني اسئلة بغرض تزحزحلي قناعاتي
زفت: مش بتقولي أكسيوما...مفروض تتحمل شوية اسئلة
هي: اوكي....تفضل
زفت: بتوافقيني انو علشان نعرف قيمة الشيء لدى شخص معين...ممكن نفحص شو الشي الي يمكن يبدل هادا الشي في حال فقدانه
هي: كيف يعني؟
زفت: مثلا لو عندك كلب بودل بتحبيه وفقدتيه... علشان نعرف شو قيمة البودل منفحص: شو ممكن يشكل بديل عن هذا البودل..هل ببدلو كلب من نوع تاني؟ أو يمكن أي حيوان أليف...أو لعبة فرو...وهيك منقدر نعرف – تقريبيا - شو كان يعني الك البودل الي فقدتيه....لحديت هون منيح؟
هي: معقول
زفت: طبعا علشان نعرف شو البديل لازم نعرف شو الدور الاساسي الي كان يمليه كلب البودل بالنسبة الك..وبطبيعة الحال دور الصديق الحيواني الوفي الي بيمنع الوحدة وبزيد الألفة الخ الخ الخ..صحيح؟
هي: معقول
زفت: وبما انو منحكي عن "ماذا تعني المرأة للرجل بشكل عام" والعكس أيضا...فالسؤال هو: على فرض انو إختفى الجنس النسائي عن الارض أو العكس...شو ممكن يبدلو؟


هي: أو أبسط على فرض اني قرفت من كل الرجال وما بديش أكون بعلاقة معهم...شو ممكن يكون البديل؟
زفت: هيك إشي...هلأ ركزي معي....الرجل الي مش ملاقي امرأة بشو معقول يبدلها؟ يعني شو الدور الاساسي الي بمليه الرجل للمرأة والعكس...


هي: مفروض عدة أدوار عنا عالقليلة...الانثى بتدور عا رفيق..عا صديق...وأكيد السكس مهم...بس الرجل بدو بس سكس سكس سكس


زفت: هاي الاكسيوما الي بدنا نفحصها...علشان هيك جاوبيني عالسؤال التاني: صحيح انو الدور الاساسي لرجل وانثى بحبو بعض بتمثل في العلاقة الحميمة ... القربة الجسدية.. مش ضروري سكس وانما في الاحتضان... البوس... التحسمس... اللمس .... في العلاقة الجسدية بشكل عام...

هي: صحيح
زفت: هلأ الرجل الي مش ملاقي انثى في حياتو وعلى فرض بدو يجيب بديل فوري ولو مؤقت....شو ممكن بجيب...شو محلات السكس (او ال love shops كيف ما بتسمي حالها) بتعرض عليه منتوج بديل...


هي: انا بقولك شو... هاي القرف االلعب المنتفخة على شكل أنثى الى بعملوها عا شكل امرأة وبكون الها شبيه عضو جنسي نسائي...ريتو القرف

زفت: حلو كتير...هلأ معناتو البديل الي ممكن يحل بدل المرأة هو اللعب البلاستيكية الي بتحاكي شكل المرأة تماما والي الشركات التجارية بتحاول تصنعها بحيث تشبه المرأة قدر الإمكان...صح؟
هي: طيب...وشو يعني؟

زفت: عا شكل المرأة تماما....الها ايدين واجرين وصدر وشعر وفم وممكن الي شراها يخلقلها اسم وشخصية ويتعامل معها وكانها حقيقية....معناه: البديل الممكن للمرأة بالنسبة للرجل هو شيء يشبه المرأة قدر الإمكان جسديا على الأقل...كي يستطيع تحقيق ما يمكن من العلاقة الجسدية

هي: وهاد دليل على إنو المرأة بالنسبة الو فقط غرض جنسي ....وهو البرهان على الأكسيوما

زفت: غلط...لأنو الحكي عن "بديل" كمؤشر لفحص قيمة الأصل....يعني لو الرجل الي اشترى لعبة منتفخة كان بيقدر يعمل علاقة مع انثى حقيقية مبشتريش اللعبة... بس بغض النظر بضل وضعكو صعب كتير...

هي: بالله كيف؟
زفت: لما انثى بتروح عا محل سكس شو بتشتري كبديل للرجل؟
هي: هاه؟
زفت: هاه قلتيلي... شو المنتوج الي يطرح كبديل للرجل؟ بشو يختزل الرجل من وجهة نظركو؟
هي: وانا شو بعرفني؟
زفت: فيبراتور...حمامة ....مش لعبة منتفخة عا شكل رجل....بس العضو الذكري

هي: مش بالضرورة...
زفت: كبير....
هي: إخص...انا بعرفكاش هالقد منيح علشان تحكيني هالحكي
زفت: تخين... عضلنجي...
هي: شو بعرفك يعني؟
زفت: هاي أكسيوما
___________________________________


أكسيوما 3


هي: شو هاي علامة التعجب الي طلعتلي تحت ساعة البنزين؟
زفت: علامة تعجب يا روحي
هي: وشو معناها
زفت: انو السيارة مستعجبة يا روحي
هي: من شو؟
زفت: من سواقتك يا روحي
هي: يعني سواقتي مش عاجبتك...عشاني أنثى؟
زفت: مجبتهاش من عندي هاي يا روحي
هي: ولا؟
زفت: هاي أكسيوما يا روحي



الأحد، 4 أبريل، 2010

عظمة على عظمة يا جوني



I hurt myself today
To see if I still feel
I focus on the pain
The only thing that's real
The needle tears a hole
The old familiar sting
Try to kill it all away
But I remember everything

[Chorus:]
What have I become
My sweetest friend
Everyone I know goes away
In the end
And you could have it all
My empire of dirt
I will let you down
I will make you hurt

I wear this crown of thorns
Upon my liar's chair
Full of broken thoughts
I cannot repair
Beneath the stains of time
The feelings disappear
You are someone else
I am still right here

[Chorus:]
What have I become
My sweetest friend
Everyone I know goes away
In the end
And you could have it all
My empire of dirt
I will let you down
I will make you hurt

If I could start again
A million miles away
I would keep myself
I would find a way

الاثنين، 22 مارس، 2010

ماما ماما ماماتي

ماما

بعد كل هالسنين...قوليلي:

بسوى الموضوع كل هالتعب؟ مش لو ربيتي كلب تشيواوا أو بس سيامي كان بتريحي راسك؟

بشرفك....

المصيبة انو رح تقوليلي "سد بوزك وله...انت بتسوى ألف تشيواوا...انت بتسوى الدنيا"

والمصيبه انك بتقصديها....

"A mother's love is a promise that life cant keep"
Romain Gary

الأربعاء، 17 مارس، 2010

ضميري والضميري


" اعتبر الناطق الرسمي باسم الشرطة الفلسطينية عدنان الضميري أن "المعركة موجودة في القدس"، في إشارة إلى أن من يريد انتقاد الوضع عليه فعل ذلك هناك، مؤكدا أن "السلطة لا تمنع أحدا من حقه في التعبير".

وقال إنه "في مناطق السلطة لا توجد قوى للاحتلال"، مشددا على أنه "يجب أن يكون هناك تقديم طلب لتنظيم المسيرات" منعا للفوضى.


"لا تعليق"


لا مش صحيح....يوجد هناك تعليق.


بس مش رح أكتب التعليق....لأنو التعليق همجي....بربري...مش حضاري....داخل فيه الله والانبياء جميعا والشعب الفلسطيني والعرب مع كمشة خرا وزبرين طائرين وزبالة وقهر لا يوصف وحبتين شوكولاته جالاكسي ملفوف بورق شعارات...بس النوع الكافر...اسف...الفاخر


شو قال ابو الزوز عن الروح الرياضية ببيروت مرة: انو الروح الرياضية اصبحت ...شهيق..... زفير....شهيق ....زفير...


عنا صارت: تنهيد.....نفخ....غطاط.....شخير.....جلطة...وتصبحون على وطن.


وطن الشجعان هه...مش أي وطن....منرضاش نحنا بأقل من وطن الشجعان لشعب الجبارين. هو الظاهر وطن الشجعان عم بترتب...بس فوق...مهو NASA لاقت اوكسجين عالقمر والمريخ ونحنا اولى ناس فيها...اولا لأنو قيادتنا من الفضاء الخارجي وهاي معلومات أكيدة وبصراحة بكفي تطلعوا على صائب عريقات علشان تقتنعو بكلامي....ثانيا احنا احد الشعوب الي صدرت بحقه "خبز وحشيش وقمر" والي اثبتت علاقتنا المميزة مع الاجرام السماوية والاجسام الفضائية....ثالثا الشعب الفلسطيني اثبت قدرته الفائقة انو يكون دولة في أي محل ممكن على هذا الكوكب....يعني اذا تحت الاحتلال عنا رئيس ودستور ووزراء ومعارضة وحكومة مقالة وأحزاب متناحرة ووكلاء وزارات ونيابة عامة....وهذا كلو في مساحة مدينة زي رام الله الي قد خزق العقرب....شو رح نعمل في القمر ولك؟....متخيل انت شو معقول نعمل بالقمر.....منهريه شجر زيتون...كل شجر الزيتون الي خلعوا المنايك هون منعاود منزرعو...بصير يعكس ضو أخضر القمر من كثر الزيتون....وخوذ تنكات زيت وصابونة نابلسية وطحينة الجمل قد ما بدك....رابعا: بدل ما نكون شعب مقسم لعرب 48...عرب 67...أهل القدس...أهل الضفة....أهل غزة....بجمعونا في محل واحد...في زريبة فضائية وحدة....احنا منتريح...والعالم بتريح..
*
الطيبي: نحن متمسكون بأرضنا ومواطنتنا الاسرائيلية معا
زفت: كس أم منظرك....حبيت أدخلك عهالتدوينة فاضي مليان علشان أشقعلك...مفظع حضرتك بالخطاب وقت ذكرى الهولوكوست....خليت هالحمار بركة يطلع عا اوشفيتس وفقعتو خطاب مسيل للدموع هون بالكنيست...الزلمة كان بدو يرجع من بولندا سباحة علشان يدق بخناقك ...هو اخذ الصيت العاطل وانت اثبتت انو لحس الطياز ممكن دون الحاجة للسفر لدول تانية...مش بحاجة لأكثر من منبر...كم بالحري منبر الكنيست



"لم تكن هذه القطعة الاخيرة
ضرُوريَّةً، لا لضْبطِ النَغَمْ
ولا لاقتصاد الأَلمْ
إنها زائدةْ
كذبابٍ علي المائدةْ..."

بتصرف عن محمود درويش...حالة حصار



مالي عم بخبص؟
مالي متعصبن ومقهور....شو الجديد يعني؟


ضميري: طب ما تنتاك تتحرك تنزل عالشارع....حاجة تنظير من ورا الحاسوب
الضميري: بدك تقدم طلب لتصريح....ومرفوض شكلا...واذا بتفتح تمك....
ضميري: مش قلنا...صامتون هنا.....صامتون هنا
الضميري: انت مواطن كويس...ومتوقعلك الازدهار السريع



مش قادر مأ اكفر مع انو ضميري معقول يوجعني





يلعن .....





هي: شوي شوي حبيبي....شهيق....زفير....


هو: ووووووفف.........وووووه


هي: برافو...مالك بتطلع فيي هيك


هو: هاتي بوسة..


هي: بهالاوضاع هاد الي براسك؟


هو: بطيخ يكسر بعضو....اعطيني KISS...اي KISS امو الي مزعلك