الاثنين، 10 مايو 2010

كالأيتام على موائد الهبلان




حلوة هاي التواصل الفلسطيني العربي....وحلوة هاي يطلعلو وفد يمثل (برضو حلوة هاي يمثل) فلسطينيي ال 48....طبعا أغلبهم بمثلوش ولا حدا كون أغلب الشخصيات الي طلعت ملهاش ولا صفة تمثيلية ولا اعتبارية ...مثلا مثلا: المحامي جواد بولص....محامي خاص أياديه "البيضاء" بعدها معلمة على وجوه كثير أسرى فلسطينيين... في كمان من باب التنويع ممثلين عن عائلة الجاروشي علشان نعكس المجتمع الفلسطيني في اسرائيل يشتى طبقاته الفوقى والتحتى ...وفي مليان أسامي لا أنا ولا انتو سامعين فيها


وفد من 40 شخصية...يا صلاة النبي....ليش 40؟ الله أعلم....ليش كل النواب العرب من كل الأحزاب العربية مش نائب عن كل حزب؟...برضو مش معروف...ليش سكرتير الحزب يطلع مثلا؟ طب بلاش ليش رئيس بلدية أو مجلس محلي يطلع؟ ليكون طالعين تشحدو يا أخوات الهيك والهيك...هذا علشان الاستاد بسخنين وهداك عشان مشروع بالناصرة؟


يمكن انا فاهم وفد تمثيلي غلط...يمكن الجماعة طالعين كفرقة تمثيل مثلا..بدهم يتحفوا ليبيا بمسرحية سياسية عن الوضع هون...مسرحية "خادم عشرين سيد" مش "خادم سيدين"...بس مظلموش حدا ربنا الله...كله فات...من شتى التيارات والأحزاب...أو عا قولة ستي الله يرحمها "من كل قرية خرية" مع أعتذارنا لقرانا الحبيبة.


ع أنو اساس طلعو هدول؟....شو دحشهم هدول بالقصة؟.....ع أساس فلان صاحب علنتان ف بشحطو معو....وهداك معدود على هدول وهدولاك معدودين ع هدوليك وهديك (يا حرام طالعة لحالها مع كمشة الذكور) معدودة عالحزب...

طبعا في نواب الكنيست وأعضاء لجنة المتابعة الي عندهم صفة تمثيلية وهم بحد ذاتهم تمثيلية.... وطبعا في نواب سابقين صيتهم السيء بسبقهم...وفي وفي وفي

حملو حالهم هدول في يوم مشمس وطلعو...باسمنا...هذا الشعب المنكوب ....عا ليبيا .....عند الأخ القائد الرمز العقيد ملك ملوك افريقيا....النابغة صاحب الكتاب الأخضر....رئيس الجماهيرية الشعبية الليبية المتحدة....معمر القذافي

ابو الكتاب الأخضر الي في أي دولة أخرى كان بكون مكسيموم مكسيموم (بدناش نهين أي مهنة شريفة او مش شريفة) زر أو كبسة أو شرشف...استقبل الوفد احلى استقبال....وبعدين وقف مفخرة شعبنا دون منازع...الدكتور أحمد الطيبي...وفي خطبة عصماء طلع لسانو ودحشو عميقا عميقا في طيز الأخ القائد الرمز.


ولحديت اليوم عم بطولو لسانو للطيبي من هناك....

طلعو يمثلونا نواب الكنيست الي وجودهم أو عدمو واحد في البرلمان الاسرائيلي.....
نواب الكنيست الي مش قادرين يتفقو على قائمة موحدة...
نواب الكنيست الي بكرهو بعض عالمسبحة ومستعدين يحطو ايدهم في ايدين الشيطان علشان يخربو على بعض...أو عالقليلة على النضيف
نواب الكنيست زي الطيبي وبركة الي بفشلو كل سنة أي مبادرة لبرلمان عربي فلسطيني داخل إسرائيل....

طلعو يمثلونا رؤساء بلديات ومجالس محلية وصلوا عا هل مناصب عن طريق الحمولة والطائفية والي ادائهم في مناصبهم أقل مي يقال عنه مخزي....

طلعو يمثلونا "قيادات" حزبية ما خلتش فضاء إعلامي أو ثقافي أو حتى خارجي إلا وحشته حشيا بمصطلحات مثل الديمقراطية, الحريات, بناء الإنسان, رفض الديكتاتورية الخ....بس أول ما أجت دعوة من داعية التنوير والديمقراطية القذافي....دغري حضرو الشناطي وتداحشو علشان يحظو بهذا الشرف....

طلعو يمثلونا اعلاميين عرب زي صاحب موقع بانوراما وبانيت اللي بستحوش يحطو في جرايدهم إعلانات لمؤسسات اسرائيلية عن مكافئات مادية ضخمة لمي يكشف عن مصير جنود اسرائيليين مفقودين...

بدي أقولكو شغلة....هدول بمثلونيش...أغلب السنة بمثلو علي...

شغلة نونو....قبل ما أتواصل مع معمر القذافي والشعب الليبي مش أحسن أنواصل مع شعبي أنا في الضفة وغزة والشتات والمخيمات....ولا لا يا بركة؟

وكمان شغلة نونو...انتو بتمثلونيش...انتو بتمثلو كل شي عاطل فينا

هناك 8 تعليقات:

صبحي خطيب يقول...

آخر جملة كتبتها هي أكثر شي عجبني:
انتو بتمثلو كل شي عاطل فينا.. جامدة

سمعت واحد من هال40 اللي راحوا وحكى عن قديش الاستضافة عاطلة: ما أعطاهن هدايا تذكارية، واستقبلهن بخمية بنص الصحرا عشان يتغدوا شوربة مع رز.. ومع كل هاد مع أعطاهن مصاري ! بس قلهن يكتبولوا قائمة طلبات وهو بدرسها..
وطبعاً انت سمعت عن الحل السحري تبعو.. تكاثروا !

واذا سألت كيف تم اختارهين فهو عن طريق أحمد الطيبي وأصدقاء السفير الليبي في الأردن.. في كثير زعلوا ليش ما انعزموا، هاي الزيارة ممكن ينكتب عنها رسالة دكتورة اللي نلخص الوضع كلوا..

الوضع زفت يا صديقي وشكلوا أزبط حل هو الاقتراح الأول للعقيد بإسقاط قنبلة تحرق الأخضر واليابس وبلا هالمليون عربي اللي هون.. في غيرهن 249 !

Sahran يقول...

زفت

زي ما قلتها هم ممثلين , يعني بيقلدوا أدوار ليست من مقاسهم

بس هوا إنت من فلسطينيي الداخل ؟؟

الداخل والخارج كله ماكل هوا يا صاحبي و وما حدا أحسن من حدا

زفت يقول...

مدخن

بظن عزيزي انو احنا تمسحنا وبطلت القنابل تقطع فينا...اذا زتو قنبلة يمكن نزيد مش نقل

سهران
المزبوط حاليا ان بالكوريدور لا بالداخل ولا بالخارج
وعا قولتك الداخل والخارج كله ماكل...هوا

غير معرف يقول...

لا مهمي استلمو مبادرة القذافي وقال حاطين شرطين باخر البيان تبع المبادرة
قال ممنوع حدا من الضفة او قطاع غزة او اللاجئين يحضر

الدولة الواحدة بدها تصفّي لمين


من شكلهم تخيلت بقرة بالنص للذبح بيوم عيد الدم المقدّس - الأضحى

همي كل عاطل فينا ويسلمو يا كبير

غير معرف يقول...

على فكرة زفتون، انا المدونة الوحيدة اللي حافظ لينكها وبكتبها كتابة على شريط العنوان هي مدونتك - طبعاً بعد مدونتي

زفت يقول...

جازمان

تقسيم الشعب الواحد بطل بس املاء سياسي وانما صار نفسية وعقلية عنا قبل ما يكون عند غيرنا...الشارع بفطرته مش هيك بس مع الوقت بتصير نابلس مجرد بلد بتعمل كنافة زاكية واللي بصير في غزة اشي بصير في عالم ثاني مش لنفس الشعب بحزن وبنزل الدمعة

انو مدونتي بتعجبك هذا اشي بسعدني جدا...شكرا

غير معرف يقول...

احلى اشي الطيبي على التلزيون و هو يلحس **** منظره كان زي كلب البلدوج
يخربيتو شو واطي
وحده حلوه

غير معرف يقول...

Applogies for not writing in Arabic....

it is sad so god damn sad that these bastards "represent"us.....
but then again they are there because the collective "we"chose them.. what zift says is valid, unfortunatly, for the fucking majority of our soceity....