السبت، 20 فبراير، 2010

خواطر حول فضيحة رفيق الحسيني


" متذكرني؟" – هذا ما سأله شبانة لرفيق الحسيني بينما كان الاخير منبطحا في السرير عاريا كما ولدته السيدة ماما. لا شك ان هذا أغرب سؤال سئل في مثل هذه الوضعية. لو فرضنا اجابه رفيق :
" لا...مين انت؟"
"انا فهمي شبانة..."
"مين يعني شبانة وشو عم بتساوي هون يا حيوان؟"
"عم بصورك وانت بتستغل الست"
"وانت مالك يا كلب يا ابن الكلب؟...أختك هاي...إمك؟ وانت مالك"
كان موقف بايخ بكون....


***


"شو النظام هون؟" (رفيق الحسيني ينادي الحبيبة قبل ان يخلع ملابسه) أغرب FOREPLAY سمعته في حياتي. لا شك ان الرجل رئيس ديوان وبيروقراط ناجح.
من ناحية أخرى – بعد ما سأل شو النظام الزلمة شلح ملط ونام عا بطنو...
" غيرلو النظام" - زياد رحباني


***


– قوة ملاحظة
صديق: "شفتو فخداتو ما ابيضهن؟ ...كانوا ضاويين الغرفة"


***


كمين في المؤتمر الصحفي:
رفيق الحسيني: هذا كمين نصبته لي المخابرات الاسرائيلية
زفت: طب ليش وقعت فيو
رفيق: مهو كمين محكم
زفت: شو محكم؟...انت الي شلحت باقل من 5 دقايق...العمى طب خليك بالبوكسر...بالفانيلة...بالكلسات..بشي طاقية...ياخي اشلح تدريجيا حتى ولو من منطلقات الاثارة الجنسية
رفيق: ياخي كنت متهيج
زفت: طبعا بدك تتهيج...مهي المحروسة سكرتيرتك نازلة "رفيق هو الكل بالكل" ..."بموتو برفيق"..."هداك ولا اشي بس رفيق"..
رفيق: طب اعطوني فرصة تانية
زفت: مع الست؟
رفيق: لا مع ابو مازن
زفت: بشرط انك تشلح
رفيق: طيب بشلح
زفت: يلعن دينك شو بتحب تشلح...خليك لابس خليك...
رفيق: ليكون هادا كمان كمين
زفت: كمان كمين

***

ناصر لحام في مقابلة مع القناة العاشرة: "نحن كفلسطينيين لم يزعجنا قضايا الفساد وهي معروفة وانما ازعجنا ان نرى احد قادتنا عاريا"!!! مدير شبكة معا الاخبارية (والمفروض انها المستقلة) بحكي هالحكي...صحفي بحكي هالحكي...بني ادم بعقل بحكي هالحكي...
"شو النظام؟" يا ناصر



ناصر لحام (مدير وكالة معا) يدعو الحسيني ان يتنحى عن منصبه ب"فروسية" – اسمع ناصر, بعد كل الفروسية الي ابداها رفيق في الحديث ومحاولته امتطاء الست, شو رأيك تتصرف بفروسية وتعلن انك حمار مرخص.


***

ي: بابا
م: اه يابا
ي: قال عني نصاب يابا
م: معلش يابا
ي: وسكرتيرته الكلبة قالت عني crook يابا
م: مهو انت شب خلوق يابا
ي: لا يابا- كروك يعني نصاب
م: مش قصدها هاي هبله يابا – انا بعرفها
ي: يابا – بدي تردلي حقي
م: كيف يابا
ي: بدي العقد الجاي للحملة الاعلامية
م: ماشي يابا بس هالمرة خليها حملة حماس يابا
ي: ليش يابا
م: علشان اخر حملة اعلامية الي عملتنا ياها جابتنا الارض يابا..خلي حماس تستفيد من خبرتك يابا
***


في الايام الاولى بعد الفضيحة -

مؤسسات واشخاص مقدسيين: نبايع رفيق الحسيني مجددا وليخسأ الخاسئون

بعد تجميد رفيق الحسيني من قبل الرئاسة: نبيع رفيق الحسيني وليخسأ الفاسدون


***

أبو مازن يعلن عن تشكيل لجنة تحقيق واعضائها عزام الاحمد, ابو ماهر غنيم. ورفيق النتشة
شبانة: بس هدول الثلاثة عليهم ملفات فساد برضو...
أبو مازن: لا يا زلمة هدول خيرة القيادة
شبانة: بلا خيرة القيادة بلا خرية القيادة...بفضح الطابق كله
أبو مازن: طيب منشكل لجنة تأكد نزاهة لجنة التحقيق واعضائها: روحي فتوح – نمر حماد – نبيل ابو ردينة
شبانة: بس هدول الثلاثة عليهم ملفات فساد برضو...
أبو مازن: لا يا زلمة هدول خيرة القيادة
شبانة: بلا خيرة القيادة بلا خرية القيادة...بفضح الطابق كله
أبو مازن: طيب منشكل لجنة لفحص مصداقية لجنة تأكد نزاهة لجنة التحقيق واعضائها: رياض منصور – ياسر عبد ربه – ابو العلاء
شبانة: بس هدول الثلاثة عليهم ملفات فساد برضو...
أبو مازن: لا يا زلمة هدول خيرة القيادة
شبانة: بلا خيرة القيادة بلا خرية القيادة...بفضح الطابق كله
أبو مازن: طيب منشكل لجنة لمعاينة تاريخ اللجنة لفحص مصداقية لجنة تأكد نزاهة لجنة التحقيق وأعضائها تسفي يحزقيلي وعوفر شيلح من القناة الاسرائيلية العاشرة وعوديد غرنوت من القناة الاولى
شبانة: هيك معقولة
***
هواجس:

حالة استثنائية ان يقال للفاسد: لدي اثباتات حول قضايا فساد كبرى ارتكبتها...لكني لن افضحك في حال اتخاذ خطوات ضد من ارتكب قضايا فساد أصغر...وكأن الموضوع هو شخصي بين أبو مازن وجماعته وبين شبانة وليس للشعب الفلسطيني اي علاقة به...ملكوش خص يا فلسطينيين اقعدوا تفرجوا على قناة 10 او BBC في حال قرر البطل الي واقف على حافة القبر ان يفضح ويكشف العفن....اما اذا قررت السلطة ان تكنس الوسخ تحت السجادة وتضبضبها, فلن أفضح شيئا.

فضيحة وثقتها المخابرات الفلسطينية بسبب عداوات شخصية, لم تحظى لأي اهتمام من قبل الرئاسة في حينه لحسابات شخصية (اكدت عدة مصادر ان شريط الحسيني عرض امام ابو مازن في 2008), كشفت من جديد بسبب مصالح وحسابات شخصية, قد تترتب عنها خطوات عقابية لمصالح شخصية مشبوهة وخوفا من المزيد من الفضائح.

لا قيمة تحسب لرأي علم (اصلا لا رأي عام من أساسه) ولا حساب لسلطة قانون او شفافية أو اي شيء. فقط لعبة مصالح يقرر اللاعبون فيها كشف وتعتيم حقائق تخص الشعب الفلسطيني, أمواله وحاضره ومستقبله وصورته, وفقا لاحتياجاتهم الشخصية المرحلية.

كما في السابق وكما هو دائما, لا احترام للحيز العام الفلسطيني .

***
خلاصة:
كس اخته الشعب الي بطل محاربة الفساد فيه هو فهمي شبانة.
كس اخته الشعب الي هيك قيادته.
كس اخته هالشعب الي بطل فارقة معاه انه مسروق ومشحود عليه.
كس اخته الشعب الي صار قسم كبير منه إما بايع (القضية/الارض/نفسه/مستقبله) وإما مبايع (للبايع).


"من يهن يسهل الهوان عليه ما لجرح بميت أيلام"

هناك 3 تعليقات:

Sahran يقول...

بصراحة عالم بتخزي و وسودوا وشنا قدام العالم

أول ما طلعت أخبار الفضيحة , حماس ما صدقت ومسكت بالخبر وصارت تنتف في ريش فتح
الآن بعد الأخبار عن وجود عميل في حماس على مستوى القيادة أظن أنهم راح ينخمدوا شوي , ويحاولوا يداروا فضيحتهم

بس وينك ,,,,,

أوعى بعد هيك تدخل غرفة قبل ما تتأكد إنو الحيطان ما عليها كاميرات ,
أتاريها المخابرات تبعتنا طلعت شغالة شغل عن صحيح
ههههههههه ,,, دير بالك


تحياااااااااااااتي لك


ودمت سالماً

زفت يقول...

انا فيش خوف عليي لأني مش شخصية مهمة - يعني محدش فارقة معو شو بعمل وشو بعملش

غير معرف يقول...

متل كل مره قياداتنا مبيضاها

بس الشي اللي ضحكني ناصر اللحام ،

كل هالخبر بيستاهل يكون طرفه او نكته ،، عنجد نكته

واضحكو عليها كتير

!!!!