الأحد، 12 يوليو 2009

الشمطاء

عمتي: كيف حالك يا عمتي؟

أنا: منيح والله عمتي

عمتي: مالك هيك وجك أصفر وحالتك بالويل....شكلك بتوكلش منيح يا عمتي

أنا ناظرا الى كرشي ثم الى عمتي: يعني الله بعين (الله يجبر بخاطرك يا عمتي)

عمتي: لا يا عمتي أهم شي الصحة...حرام شب زي القمر ميدرش بالو

أنا: ولا يهمك عمتي (روحي يا شيخة إلهي يسعدك...انتي الي بتعقلي بهالعيلة)

عمتي (تخاطب أبي وهو أخاها الصغير على مسمع من الجميع): يا خوي لازم تجيبو من القدس لهون هادا ابنك...طلع حالتو كيف صارت

أقول لنفسي وقد بدأت اشتم رائحة شيء عفن في مملكة الدنمارك (خلص يا مرة...أسكتي دخيل الله)

عمتي: بعدين شب قد الحيط ما شالله كيف بعدكو مش مجوزينو؟ قلة بنات في البلد؟

أنا: ( اه ه ه ه ه ه...وسخت)...عمتي انا بديش اتجوز...بحب اعيش زي الفراشة (ثم أضحك بشكل مبالغ فيه محاولا تغيير الموضوع)


لكنها تصر هذه الشمطاء الحيزبون: فراشة؟ (ثم تزم شفتيها وتحركهما ذات اليمين وذات اليسار) مرحبا فراشة....كان زمان يا فراشة!!!


أقول لنفسي سبحان مغير الاحوال...ما كنا زي القمر قبل شوي


هذه المرأة لا تريد ان تنكتم فهي الان تخاطب أمي


"يختي...لازم تتحركي يختي"


أفكر "ايوا...هادا الناقص...تحرضي المرة علي..."


"يختي " تقترب منها وتفتح كفيها "اذا بتتلحلحيش بتروح عا إبنك....بفسد...بتخلص صلاحيته"


(تاريخ انتهاء الصلاحية مطبوع على ظهر المنتج)



"بعدين قلة بنات في البلد؟...هيها بنت جانيت...ما شالله عنها..لعبة ....مخلصة صف تناعش وطبيخها فيش بعده....ولا بنت ابتكار ...شو هالاداب وشو هالاخلاق...مظبوط مش ملكة جمال...بس بلا مؤاخذة...ابنك برضو مش ملك جمال..."

(الله يهدك يا شيخة)

"ولا لشو نبعد...منحط زيتنا في دقيقنا...وهاي في بدل بنت العم ثلاثة...وشو احلى من هيك؟..."


ثم تبدأ الحرب النفسية التي تفوق قساوتها أساليب الغستابو النازي


"انا يا حبيبي بدي مصلحتك ...(تشهق وتترقرق الدموع في عينيها)..والمثل بقول "قلبي على ابني وقلب ابني على الحجر" ما بديش يصير فيك زي ما صار في غيرك....غيرك الي مرمي في البيت لا شغلة ولا عملة...اااخ بس....غيرك الي كانت الف بنت بتتمناه بس اليوم مرمي زي البضاعة الكسدانة"


في هذه اللحظة بالتحديد يضرب ابن عمتي الاعزب يدا بيد ثم يشتم الرب شتيمة مطولة ويخرج من الباب مسرعا يتمتم لنفسه.

تنظر عمتي الى الباب الذي خرج منه ابنها للحظة ثم توجه نظرها الى اخوتها واخواتها وتضرب كفا بكف:
"عزا...شو حكينا؟ بطل الواحد يعرف يحكي كلمة بهالبيت؟"

رغم شفقتي على ابن عمتي اتنفس الصعداء لاني خرجت من دائرة الاضواء...أو هكذا ظننت

"ها " نظرت الي ورسمت ابتسامة عريضة جدا " شو قلت عمتيييييييييي؟!!!!!!!!!"


* أحداث هذه التدوينة متخيلة تماما واي شبه او تطابق تام بين ابطالها وأحداثها وبين شخصيات أو أحداث في الواقع هي محض صدفة فقط.

فقط.

هناك 13 تعليقًا:

غير معرف يقول...

شو قلت عمتيييييييييي؟!!!!!!!!!

أنا مش أنا يقول...

شفت الصدف ازايييييي تحصل:)
حبيت حبيت وعلى قولة الفيسبوك like this

بالصحة والعافية
أنا
بعدني
مش
أنا

أنا يقول...

ولكم اكتشفت شي، معقولة أي حدا بيقدر يستعمل اسمي وعنوان مدونتي (او اسم ومدونة اي انسان افتراضي يعني*) لحتى يكتب تعليق ؟؟؟؟؟؟؟
يعني يتقمص شخصيتي مثلا!
لاه لاه ويا مصيبتيييييي
بيختار الهوية حسب الاسم/عنوان URL

ALMGHBON يقول...

بالمناسبة ولا أنا فاهم شى

شو أبو شريك بشوف الوضع مطور وصاير تنظيم قصايد شعر

أنا مش أنا الذكر وليس الأنثى هع هع

زفت يقول...

غير معرف

أذا كنت عمتي او من طرفها بحب اخبرك ان هذا البوست كتب تحت التهديد بالقتل والتعذيب الجسدي

انا مش انا (هي)

على قولة الفيسبوك: merci

حتى متى تبقين مش انت؟


أنا:

بلاش بارانويا :)



انا مش انا (هو):

عا قولة زياد رحباني: كل ما نظمنا بيت شعر بيجو بسكنو في

شفتني بالحزين؟ أجنن بالحزين

الكونتيسة الحافية يقول...

على قولتنا في مصر
ادبحلها القطة
;)

زفت يقول...

الكونتيسة

كنت اعتقد انك مع حقوق القطط :)

غير معرف يقول...

No I am not your family, I just liked your post!

الكونتيسة الحافية يقول...

:))
حتى القطط فيها اللي يستاهل الدبح
ما بالك بالبني آدمين بقة؟
:P

ثلاثاء يقول...

يختي عليك

جريدة الريماس للأخبار الحصرية يقول...

شركة جلي بلاط شرق الرياض
شركة تنظيف مسابح شرق الرياض
شركة تنظيف خزانات شرق الرياض
شركة عزل خزانات شرق الرياض
شركة كشف تسربات المياه شرق الرياض
شركة تسليك مجارى شرق الرياض
شركة تنظيف موكيت شرق الرياض
شركة تنظيف مجالس شرق الرياض
شركة نقل اثاث شرق الرياض
شركة شفط بيارات شرق الرياض
شركة تنظيف شرق الرياض
شركة تنظيف منازل شرق الرياض
شركة عزل الاسطح شرق الرياض
‪شركة رش المبيدات شرق الرياض

جريدة الريماس للأخبار الحصرية يقول...

شركة مكافحة الحشرات شرق الرياض
شركة تنظيف قصور شرق الرياض
شركة مكافحة الفئران شرق الرياض
شركة لمكافحة النمل الابيض شرق الرياض

شركة تنظيف فلل شرق الرياض
شركة مكافحة الصراصير شرق الرياض

شركة تخزين عفش شرق الرياض
شركة نقل عفش شرق الرياض
شركة مكافحة حشرات بالخرج
شركة مكافحة حشرات بالدودامي
شركة مكافحة حشرات بالزلفى
شركة مكافحة حشرات بالمزاحمية
شركة مكافحة حشرات بالمجمعة
شركة مكافحة حشرات برماح

جريدة الريماس للأخبار الحصرية يقول...

شركة مكافحة حشرات بالقويعية
شركة رش مبيدات بالخرج
شركة رش مبيدات بالدودامي
شركة رش مبيدات بالزلفى
شركة رش مبيدات بالمزاحمية
شركة رش مبيدات بالمجمعة
شركة رش مبيدات برماح
شركة رش مبيدات بالقويعية