الخميس، 27 أكتوبر 2011

يوتوبيا



لو كان عندي بار صغير – اضاءة خفيفة وجو دافيء
شوية طاولات – مش محشور
بتماشى منيح مع جو المدينة بالشتاء
بتماتشى منيح مع الليل
اكل منيح دون تصنع
لوحات فابيان بيريز
والموسيقى علي – اهم شي الموسيقى
بتشوف كيف بتأثر عالجو – عالحديث – عالحميمية
كحول نضيف
محادثة
كل ليلة مغامرة مع ناس وقصص جديدة
كل ما يفتح البار تصيبني قشعريرة الإنتظار والفضول
مين رح يجي هون الليلة ويفوت عا عالمي
عالم وسيع ورحب لكل البشر الي بدوروا عا زمن بطيء
زمن ممكن تحس فيه بقيمة لفكرة – لحركة – لايماءة – لصفنة - لنفس
بضلو فاتح لحد ما اخر زبون يطلع
وبزعل لما اخر زبون يطلع كانو بفارق حبيب
وتاني يوم بفتح بعد ما يفيق عا راحتو
بتلكأ – بتكاسل – بس بتلاقي مستعد يشرب معك قهوة

وعالحيط فوق خشبة البار - الشعار:
أعطنا متعتنا كفاف يومنا

مش كان أحسن من كل هالتعريصة

ملاحظة:
ولا كلمة عن القذافي / صفقة شاليط / فتح حماس / اضرابات / سوريا / الشبيحة / موقفنا من الشبيحة الخ الخ

هناك 5 تعليقات:

أنا مش أنا يقول...

أحسن وأيا..

احكيلي وقت ما تفتتحوا المحل بالله عليك

زفت يقول...

انا مش انا

هاد احد احلام حياتي

لعل وعسى احققه يوما ما

ومنخبرك اكيد

كيان يقول...

:) زفت هيك موسيقى بتناسب البار؟ بنفع تحطلنا اياها بالخلفية؟
http://www.youtube.com/watch?v=j_WMjI3ipP4&feature=BFa&list=AVGxdCwVVULXf3SNMBras6tULROvO4Qt41&lf=list_related

باي ذا وي. هوريكا موراكامي كان فاتح جاز - بار قبل ما يصير كاتب!

زفت يقول...

عالوجع كالعادة يا كيان

خلص منحجزلك ليلة بالأسبوع ك دي جي للبار

اتفقنا؟

كيان يقول...

ديل :]