الاثنين، 25 مايو 2009

يوريكا



عندي ابن عم قاعد بالدنيا بس عم بستهلك اوكسجين وليس منه اي فائدة تذكر للإنسانية او حتى لمحيطه المباشر, لكن امبارح ونحنا قاعدين بالجنينة نلعب هاند ريميه نزل عليه الوحي فجأة فترك بز الارجيلة وسكت وحملق في البعيد ولاحت على خلقته بوادر التفكير العميق فبدينا كلنا نقلق...بعدين فتح تمه وقال:


"إلي مالوش بالحمص ...ميقربش عالمسبحة"


بعدها لقط البز بشفافه مجددا وكمل يسحب دخان النرجيلة وكأن شيئا لم يكن.


ادركت فورا اني شاهد على لحظة تجلي تاريخية بالظبط مثل اللحظة الي وقعت فيها التفاحة على راس نيوتن او رفعت المياه جسد ارخميدس في البانيو, بغض النظر عن نتائج وتبعيات كل لحظة.


أراهن على كل ما أملك ان أحدا ما في التاريخ بداية بالانسان النياندرتال والى يومنا هذا لم تخطر على باله ولم يتفوه بهذه الحكمة التاريخية مما يدحض نظرية افلاطون ان اي فكرة وردت في ذهن الانسان فكرها قبله انسان اخر (ذلك ان هناك عالم قيم ومثاليات قائم بذاته).


كانت هذه بحق لحظة تاريخية...ساثمنها الى الابد.

هناك 10 تعليقات:

م يقول...

طيب وعرظ أختي انو ابن عمّك جامد
دشرك من الحكي... عنجد.. كل الإحترام..
"الي مالوش بالحمص ميقربش علمسبحة"

عنجد عنجد..عم بفكّر إنو اسكّر مدونتي.. إنو.. قديش بعد ممكن الواحد يحاول؟ قد ميوصل..
زفت.. حطمتني يا رفيق..

ملاحظة: إبن عمّك مع الطيبي؟

زفت يقول...

شوف..كون انو في عباقرة بهالعالم بعنيش إنو نوقف نحاول...

مدونتك تسكرهاش وأنا بوعدك أعوضك بس مش عارف كيف (بالطرق التقليدية)

طيبي؟ تف من بقك. ابن عمي عامل حزب لحالو:
"جبهة الطناش اليورو مديترينيين"

ناس من ورق يقول...

انا والله فكري هنيك !

زفت يقول...

هنيني

بستاهل التهاني

الكونتيسة الحافية يقول...

واضح إن الشيشة كانت عمرانة

صباح الفل
:))

ALMGHBON يقول...

طيب ابن عمك مرتبط هههه

سلمات يا أبو شريك

زفت يقول...

الكونتيسة

عمرانة بكل ما هب ودب

بس ابن عمتي عنده سطل طبيعي - متكيف لوحده

زفت يقول...

انا مش انا

ابو شريك وين هالغيبة؟

زفت يقول...

حامد

العمل الجيد والعمل المحترم؟

وكمان...بعيدا عن الاسفاف

شو....وظيفة بالسلك البلوماسي؟

غلطان بالعنوان انت خيي

ALMGHBON يقول...

فيك تقول معتزل الشبكة العنكبوتية صارلى شى فترة
أخبارك أبو شريك ..؟